Somali News

Qalabkii loogu talo galay maamulka hawada soomalia oo dowladda federaalka si rasmi ah ula soo wareegtay+Sawirro

Wasiiru dowlaha Wasaaradda Gaadiidka, Cirka iyo Dhulka ee xukuumadda Soomaaliya Cabdi raxmaan Kulmiye Xirsi “Cabdiraxmaan Dheere” ayaa sheegay in maanta saraakiil ka socoto Hay’ada ECAO uu kala wareegay qalab dhameystiran oo lagu maamuli doono Hawada Soomaaliya.

“Waxaan maanta qalabkii lagu maamuli lahaa hawada Soomaaliya kala wareegnay Hay’ada ECAO, waan kaga mahad celineynaa Hay’ada sida ay noo taageertay, qalabkaan wuxuu sahli doonaa in mudo dhowr iyo labaatan sano ka dib hawada Soomaaliya laga maamulo magaalada Muqdisho” ayuu yiri Wasiiru dowlaha.

Wasiiru dowlada wuxuu sheegay in heer gaba gabo uu marayo qorshaha ay guud ahaan kula soo wareegayaan Maamulka Hawada Soomaaliya, isagoo xusay ay diyaar tahay goobtii looga shaqeyn lahaa qalabkaasi ay maanta la wareegaan, waxa kaliya ee u harsana ay tahay in la soo wareejiyo shaqaalihi ka shaqeynayay hawada Soomaaliya oo hada ku shaqeeya dalka Kenya.

“Qalab dhameystiran ayaan kala wareegnay Hay’ada ECAO, meeshii aan ku shaqeyn laheyn way inoo diyaarsan tahay, waxaa inoo harsan shaqaalihii hawsha qaban lahaa oo hada ku shaqeeya xarun ku taala dalka Kenya” ayuu intaa ku daray Wasiir Cabdiraxmaan Dheere.

 

Related posts

XOG : Dowladaha Dariska oo farta lagu fiiqay in ay wataan Musharixiinta ka qeyb galeysa Doorashada Sanadkan ka dhaceysa Soomaliya+Magacyada

admin

Daawo: C/wali Gaas oo Markii labaad bog cusub u furay siyaasadda puntland isagoona maanta daahfuray…..

Tifaftiraha K24

Top News: Maamulka Galmudug oo hadal ka soo saarey Arimaha Caabudwaaq, iyagoona sheegey in……………….

admin