Somali News

Maxkamada Ciidamada qalabka sida oo xukun adag ku riday Dable Axmed Max’ed Xuseen

Maxkamada Darajada Koowaad ee Ciidamada Qalabka Sida ayaa maanta waxaa ay xukun ku riday Dable Axmed Maxamed Xuseen oo ka tirsan Ciidamada Booliska soomaaliya, kaasi oo ku eedeysnaa in siyaabo kala duwan dhac ugu geystay dad rayid ah oo uu u galay waddada xilliya kala duwan qeyba kamid ah degmada Kaaraan gaar ahaan Xaafadda Jamhuuriya.

Xafiiska xeer ilaalinta ayaa horkeenay Maxkamadda ilaa todoba dhibane oo dhammaan dacwad ka ah eedeysanaha oo siyaaba kala duwan uga qaatay teleefanadooda isaga oo ku labisan dareeska ciidamada amniga, waxa ay sidoo kale horkeeneen Maxkamadda qorigii uu dhaca ku geysan jiray eedeysanaha iyo Qiraalkiisa.

Muumin Xuseen Cabdullaahi ku xigeenka xeer ilaaliyaha ciidamada qalabka side ayaa ku dooday in eedeysanaha uu caadeystay jidgooyo oo uu ku dhaco dadka isaga kala goosha qeyba kamid ah degmada kaaraan gaar ahaan Jamhuuriya.

Waxaa uu Sidoo kale ku dooday Xafiiska Xeer Ilaalinta Ciidamada in Eedeysanaha uu beegsan jiray dadka xilliyada dambe Shaqeeyo gaar ahaan kuwa ka shaqeeyo Gowraca Xoolaha..

Maanta ayay Maxkamadda Ciidamada Go’aan kasoo saartay Eedeysane Dable Axmed Maxamed Xuseen oo katirsan Ciidamada Amniga, waxa ayna Maxkamadda Ku xukuntay Sideed Sano (8) oo Xabsi Ciidan ah sida uu u sheegay Warbaahinta Gaashaanle Sare Xasan Cali Nuur Shuute.

Related posts

Top: Maxaa ka cusub Saaka Magaalada Kismaayo Iyo taliye Gaboobe oo Maamulka uu ku kala qeybsanyahay siideyntiisa.

admin

Dowladda Oo Diyaarado Sida Gargaar U Direysa Baladwayne

admin

TOP NEWS: Maxay tahay Sababta Ciidanka NISA ay Xabsiga u dhigeen Wariye Xamza Maxamad oo ka tirsanaa TV-ga Caalamiga ee Al-Jazeera???

Tifaftiraha K24