Somali News

Madaxweyne Farmaajo iyo Wafdi uu hoggaaminaayo oo gaaray magaalada Beijing

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wafdiga uu hoggaaminayo ayaa gaaray magaalada Beijing ee Caasimadda dalka Shiinaha oo ay kaga qayb galayaan Shirka Madasha Iskaashiga Shiinaha iyo Afrika ee (FOCAC).

Agaasimaha Xafiiska Warfaafinta & Xiriirka Warbaahinta, Madaxtooyada Jamhuuriyadda Federaalka Soomaaliya Cabdinuur Axmed Maxamed ayaa sheegay in halkaasi madaxweynaha uu wada hadallo kula yeelan doono maalinta barri ah dhigiisa Dalka Shiinaha Xi Jinping.

“Waxaan goor dhaw soo gaarnay magaalada Beijing, halkaas oo uu Madaxweyne Maxamed Cabdullaahi Farmaajo wada hadallo kula yeelan doono dhiggiisa dalka Shiinaha Xi Jinping maalinta berri ah, Sidoo kale inta uu Shiinaha ku suganyahay Madaxweynaha ayaa waxa uu ka qeyb gali doona Madasha Iskaashiga Shiinaha iyo Afrika oo ay sanadkan ka qeyb galayaan madaxda 53 dal oo Afrikaan ah.”ayuu yiri Cabdinuur Axmed Maxamed

Wafdiga Madaxweyne Farmaajo uu hoggaminayo ayaa inta ay ku sugan yihiin dalka Shiinaha waxa ay wadatashi iyo wadahadallo la qaadanayaan dhiggooda ka socda dalalka ka soo qayb galaya Shirka Madasha Iskaashiga Shiinaha iyo Afrika.

Related posts

Ciidanka Dawlada oo Shabaab kala wareegay degaano hoos yimaada G.Hiiraan

Ahmed sudani

XOG: Maxaad kala socotaa khilaaf xoogan oo ka taagan magacaabista golaha wasiirada iyadoo madaxda dalka ugu sareyso ay….

Tifaftiraha K24

Akhriso: Micheal Keating oo soo saaray Qoraal uu kaga hadlaayo Dhacdooyinkii Sooomalia ka dhacay 2017-da.( Maxaase ugu muhiimsan?)

admin