Somali News Top News

Madaxweynaha: “Xoojinta culuunta sayniska iyo tiknoloojiyadda waa furaha horumarka Soomaaliya’’+Sawiro

Muqdisho, 9 March 2016: Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa sheegay in horumarinta culuunta sayniska iyo tiknoloojiyadda ay tahay tallaabada keliya ee Soomaaliya ay kula tartami karto caalamka intiisa kale.

Madaxweynaha waxaa uu hadalkan ka jeediyay magaalada Muqdisho, kadib markii uu dhagax dhigay xarunta Kulliyadaha Sayniska iyo Tiknoloojiyadda ee Jaamacadda Ummadda Soomaaliyeed oo laga hirgelinayo xaruntii hore ee Kulliyadda Macalimiinta Farsamada.

“Dib u dhiska waddankeena waa waajib ina saaran, mana ahan in horumarkeena aan cid kale ku halayno. Waa wax lagu faano in baaqii aan soo jeediyay ee (DALKAAGA DHISO) uu shaqeynayo oo dad Soomaaliyeed ay u istaageen inay waddankooda dhistaan. Culuunta tiknoloojiyadda waa muhiim waana aasaaska horumarka. Waxaanna Jaamacadda Ummadda Soomaaliyeed ugu hambalyeynayaa tallaabadan lagu doonayo in dib loogu soo nooleeyo adeeggan muhiimka ah’’, ayuu yiri Madaxweynaha.

Madaxweynaha ayaa sheegay in dib u dhiska dalka ka socda ee shacabku ay sameynayaan uu ka mid yahay mashruuc waddo dhererkeeda lagu qiyaasayo ilaa 500 km oo isku xiri doonta Muqdisho iyo Hobyo, kaas oo qeyb ka ah horumarinta kaabeyaasha xeebaha Soomaaliya, noqonna doonta waddadii gu horeysay ee ballaaran nooca loo yaqaano (high way) oo laga fuliyo Soomaaliya, isla markaana aqoonyahanno Soomaaliyeed ay wax ka dhisayaan.

Madaxweyne Xasan Sheekh Maxamuud ayaa khudbaddiisa sidoo kale uga mahad celiyay dowladda Talyaaniga doorkii wanaagsanaa ee ay ka qaadatey aasaaskii Jaamacadda Ummadda Soomaaliyeed, haatanna diyaar u ah inay Soomaaliya kala shaqeyso dib u ballaarinta jaamacadda oo dhowaan dib loo soo nooleeeyay.

Madaxweynaha ka hor waxaa halkaasi hadalo ka jeediyay Wasiirka Waxbarashada iyo Tacliinta Sare, Drs Khadar Bashiir Cali, Wasiirka Hawlaha Guud Eng. Saalax Sheekh Cusmaan iyo Guddoomiyaha Jaamacadda Ummadda Soomaaliyeed, Maxamed Axmed Jimcaale.

Madaxdan ayaa khudbadahooda ku xusay in dib u hawlgelinta Kulliyadaha Sayniska iyo Tiknoloojiyadda ay qeyb ka tahay baaqii Madaxweynaha ee ahaa in dib loo soo celiyo hantidii iyo adeegyadii ay lahayd Jaamacadda Ummadda Soomaaliyeed.

Munaasabaddan waxaa sido kale ka soo qeybgaley xubno ka tirsan labada gole, Danjiraha Jamhuuriyadda Talyaaniga u fadhiya Soomaaliya, Fabrizio Marcelli iyo marti sharaf kale.

Jaamacadda Ummadda Soomaaliyeed oo sannadkii 2013 dib loo hawlgeliyay, ayaa waxay ka kooban tahay lix kulliyadood, waxaana wax ka barta ilaa iyo 750 arday.

——————- DHAMMAAD———————–
Daud Aweis
Afhayeenka Madaxtooyada
Jamhuuriyadda Federaalka Soomaaliya
Email: daweis@presidency.gov.so

12071742_1163278407045875_682821150_n

12212341_1163278490379200_713400162_n

12576074_1163278007045915_2112056940_n

12821950_1163278447045871_725689494_n

12835005_1163279397045776_1261250271_n

Related posts

XOG: Waxbadan ka ogow Sababta ay Dowladda Itoobiya Awooda u saareyso Doorashada Gudoonka Baarlmanaaka?

admin

TOP NEWS: Guddiga Doorashooyinka Dadban oo War muhiim ah soo saaray maxayse uga hadleen???

Tifaftiraha K24

Amaanka Uganda oo la adkeynayo iyo cabsi ka jirta weeraro Shabaab

Tifaftiraha K24

2 comments

Comments are closed.