Somali News

Gudoomiye ku-xigeenka 1aad ee Baarlamanka Galmudug oo la doortay.

Waxaa goor dhow la soo gebagebeeyey codeynta Wareega 1aad ee doorashada gudoomiye ku-xigeenka koowaad ee baarlamanka Galmudug.

Xilka gudoomiye ku-xigeenka 1aad waxaa ku tartamay labada musharax ee kala ah C/llaahi Xirsi Maxamed iyo Saadaq Shiikh Yuusuf Ibraahim.

Tirinta codadka ka dib waxaa doorashada gudoomiye ku-xigeenka koowaad ee baarlamanka Galmudug ku guuleystay C/llaahi Xirsi Maxamed sida uu shaaciyey gudoonka ku meel gaarka ah ee Baarlamanka Galmudug.

C/llaahi Xirsi Maxamed ayey guushu ku raacday 59 cod, halka musharaxa laga guuleystay ee Saadaq Shiikh Yuusuf Ibraahim uu helay 29 cod, waxaana xumaaday hal cod.

Waxaa haatan la guda galayaa doorashada Gudoomiye ku-xigeenka labaad ee baarlamanka Galmudug oo ay ku loolamayaan labada musharax ee kala ah Axmed Maxamed Maalin iyo Faadumo Cabdi Cali.

Dr. Maxamed Nuur Gacal ayaa loo doortay saacado ka hor gudoomiyaha cusub ee baarlamanka Galmudug kasoo dhowaan loo dhaarin doono xilka cusub ee loo doortay.

Related posts

RW Cabdiweli oo aad uga deriyey xaaladda ay ku jiraan dadka ku dhaqan Gobalka Shabeelaha Hoose

admin

Dhacdo Xanuun badan: Labo Qof oo Qoorta laga jaray ayaa lagu arkay Baledweyne

admin

Top News: RW Sharmaarke Oo Arin Muhiim Ah Saxaafada u Sheegey (Tolow Maxay Tahay???)

Tifaftiraha K24