Breaking News Somali News

DEG DEG: Guddoomiye Eng Yariisow oo Amar Culus ku joojiyay Dhismo ka socda Dhul ku yaala kasoo horjeedka Dekedda Muqdisho

Guddoomiyaha Gobolka Benaadir ahna duqa magaalada Muqdisho Mudane Cabdiraxmaan Cumar Cismaan (Eng. Yarisow) ayaa warqad si rasmi ah ku joojiyey dhismaha ka socda dhulka ka soo horjeeda Dekedda magaalada Muqdisho ee degmada Xamar-Jabab, kadib markii uu warbixin ka dhageystay waaxda dhul bixinta ee gobolka Benaadir. Waxuuna ku wargeliyey Hay’adaha ay khusayso joojinta hawlaha dhismaha, isagoo tilmaamay in aan loo dulqaadan karin in dhismayaal sharci darro ah laga sameeyo dhulalka danta guud.

Duqa Muqdisho ayaa faray maamulka degmada Xamar jajab inay gacanta ku hayaan dhulkan uu dhismuhu ka socday, waxana hay’adaha ammaanka iyagana lagu wargeliyey inay tallaabo ka qaadaan cid walba oo isku dayda dhismaha dhulkan.

“Cid walba oo isku dayda in dhulka danta guud ay dhismeyaal sharci darro ah ka sameyso tallaabo ayaan ka qaadi doonaa, joojinta dhismaha ka socda dhulka danta guud ee ka soo horjeeda dekedda magaalada Muqdisho waa tallaabo aan uga golleenahay in dib loogu soo celiyo gacanta dawladda dhulalka danta ee ka maqan”.Ayuu yiri Guddoomiye Yarisow.

Guddoomiyaha Gobolka Benaadir ahna duqa Muqdisho Mudane Cabdiraxmaan Cumar Cusmaan (Eng. Yarisow) ayaa horey u joojiyay dhisme ka socday dhulka danta guud ee Biyaaso Liibaro oo ku yaala Isgoyska Ceelgaabta, waxana ay tallaabadani qeyb ka tahay qorshe ballaaran oo maamulka ku doonayo in dib loogu soo celiyo dhulalka danta guud ee sida sharci darrada ah loo dhisanayo.

Related posts

Dhagayso:- Wasiir Soocade” ninka nabadda diidanoow Miiska wada hadalka ayaan kugu qasbidoonnaa”

Tifaftiraha K24

TOP NEWS: Dhageyso Maxay tahay Sababta Madaxweyne Gaas iyo C/Raxmaan Faroole ay isugu raaceen Socdaalka Jabuuti+Sawiro

admin

XOG: Maxaad kala Socotaa Khilaaf Baahsan oo ka dhex taagan Kenya iyo Itoobiya oo ku aadan Cida Maamuleysa Maleeshiyada Barre Hiiraale ee Dhawaan Kismaayo lagu so xareeyay

admin