Kaydka Wararka Xulka ah Maqaalo Somali News

(Akhriso+sawirro) Madaxweyne Farmaajo “Waxaan Adkeenaynaa Xoojinta Wadashaqeynta Dowladda Federaalka iyo Dowlad Goboleedyada”

Madaxweynaha Soomaaliya Mudane Maxamed Cabdullaahi Farmaajo oo ka qayb-galay munaasabad caawa lagu caleema-saaray Madaxda Dowlad Goboleedka Puntland ayaa sheegay in Dowladda Federaalka ay ka go’an tahay adkeynta wadashaqeyn buuxda oo ka dhaxeysa Dowladda Federaalka iyo Dowlad Goboleedyada dalka.

Madaxweyne Farmaajo ayaa tilmaamay muhiimadda midnimada, wadajirka iyo iscafinta si loo helo Dowlad ka shaqaysa xaqiijinta himilooyinka shacabka Soomaaliyeed iyo dib u soo celinta maqaamkii ay ku lahaayeen dunida.

“Qarannimada waxa lagu gaari karaa iyada oo la helo Dowlad Goboleedyada iyo Dowladda Federaalka oo wadashaqayn iyo waxqabad leh. Wadashaqayntu waa iyada oo la wada tashado, la isu tanaasulo, wax la wada qorshaysto, loona turo shacabka Soomaaliyeed. Waanu ognahay meesha uu khilaafku ina gaarsiiyey dhowr iyo labaatankii sanno ee la soo dhaafay.”

Madaxweyne Farmaajo ayaa sheegay in dadaalkii dowlad-dhiska Puntland ay qayb muhiim ah ka ciyaareen qaybaha kala duwan ee bulshada, gaar ahaan Odayaasha Dhaqanka, Culimada, Warbaahinta iyo Ganacsatada, ayna mudan yihiin in la aqoonsado doorkoodii miradhalka ahaa, laguna bogaadiyo.

Waxa uu intaas raaciyay Madaxweynahu in Alshabaab ee caadeystay daadinta dhiigga shacabka Soomaaliyeed ay yihiin caqabadda ugu weyn ee ku hor gudban horumarka iyo barwaaqada, ayna tahay in loo midoobo dagaalka lagaga xoreynayo dalka.

            

Related posts

Akhriso: Wasiirka arimaha Dibadda Yuusuf Garaad Muxuu ka yiri Weerarkii lagu qabtay C/raxmaan Cabdi Shakuur

admin

XOG: Muran salka ku haya Madaxda sare oo ka taagan Maamulka sare ee Wasaaradda Maaliyadda SOMALIA, Iyadoona…………………………….

Tifaftiraha K24

Murashaxada Soomaalida ah Ilhaan Cumar oo la siiyay Kalsoonida Murashaxnimada Xisbigeeda

admin