Somali News

Akhriso: Warsaxaafadeed kasoo baxay Xaafiiska Madaxweynaha Soomaaliya.

Akhriso: Warsaxaafadeed ka soo baxay Xaafiiska Madaxweynaha Somaliya.War Saxaafadeed laga soo saaray Xafiiska Madaxweynaha Jamhuuriyada Soomaaliya Maxamed Cabdulaahi Farmaajo ayaa hambalyo loogu diray Shaqaalaha Soomaaliyeed Munaasabada maalinta Shaqaalaha Aduunka owgeed. War Saxaafadeedka laga soo saaray Xafiiska Madaxweynaha ayaa u qornaa sida tan Munaasabada Maalinta Shaqaalaha Adduunka ee 1-da May waxaan ugu hambalyeynayaa dhammaan shaqaalaha Soomaaliyeed oo maskax iyo muruqba geliyey dib u dhiska iyo horumarinta dalkeenna. Waxaan xasuusannahay dadaalladii wax ku oolka ahaa iyo doorkii taariikhiga ahaa ee shaqaalaha Soomaaliyeed ay ku leeyihiin sooyaalka dalkeenna, iyagoona saldhig u ahaa halgankii xurnimo doonka iyo aasaaskii qarannimadeenna. Inkastoo shaqaalaha Soomaaliyeed ay ku shaqeynayeen duruufo adag sanaddadii la soo dhaafay, haddana waxa ay muujiyeen hawlkarnimo iyo dhabar adayg, iyagoona fashaliyey yoolka argagixisada Alshabaab ee ku aaddan kala dhantaalidda rajada iyo yididiilada shacabka Soomaaliyeed. Waxaan ka tacsiyeynayaa waalidiinta iyo dhallinyarada Soomaaliyeed ee maskaxdooda iyo muruqooda iyagoo ugu adeegaya dalkooda iyo dadkooda ku naf waayey falalkii ay argagixsada soo maleegtay. Dowladdu waxa ay xoogga saartay dhammeystirka shirciga shaqaalaha oo xaqiijinaya in ay ku shaqeeyaan xuquuq dhammeystiran iyo deegaan shaqo oo fayoow. Sidoo kale, waxaan mudnaanta siinay kor u qaadidda fursadaha shaqo ee dhallinyarada iyo xaqiijinta mushaaarad ku filan nolashooda, taasoo aan uga golleenahay yareynta shaqo la’aanta ka jirtay dalkeenna. Waxaan dardar gelinaynaa dadaalladeenna ku aaddan xoojinta Iskaashatooyinka dalka, ururrada shaqaalaha iyo ururrada bulshada rayidka ah, si aan u adkaynno xuquuqda shaqaalaha, horumarka iyo wada jirka umaddeenna.

Related posts

Dhageyso: C.rashiid Xidig “Doorashada Jubaland Waxaa Af-duubtay Axmed Madoobe.

admin

Dhagayso+Sawiro:- Safiirka Midowga Yurub Soomaaliya u qabilsan iyo Wafdi ka socda Dowlada Soomaaliya oo Kismaayo soo gaaray

Tifaftiraha K24

Guddoomiyaha G/Banaadir Oo Ka Digay In La Dhisto Dhulalka Danta Guud.

Ahmed sudani