Animation

War Cusub: Maxaadan Ogeyn oo ka soo Baxay Kulan Xasaasi ah oo Madaxtooyada Garoowe ku dhexmaray Gaas iyo Wafdi UN-ka ka socda???+Sawirro

no responses
Tuesday November 22, 2016 - 3:43 under Somali News by Tifaftiraha K24
mqdefault

Madaxweynaha Puntland Dr. Cabdiweli Maxamed Cali Gaas ayaa maanta  magaalada Garoowe  ku qaabilay wafdi uu hogaaminayey madaxa xafiiska UNSOM Puntland Mr. Aaward Bell.

Mr. Aaward Bell iyo weftiga uu hogaaminayo ayaa Madaxweynaha Puntland waxaa ay ka wada hadleen arrimo la xidhiidha doorashooyinka, abaaraha kajira Puntland iyo xaaladaha guud ee Soomaaliya.

Weftigan ka socday xafiiska UNSOM ee Puntland ayaa waxa ay ugu horayn Maamulka Puntland ku bogaadiyeen hanaanka geedisocod ee doorashooyinka heer federal ee Puntland ka socda, doorashooyinkaas oo puntland si habsami ah uga socda, waxayna sidoo kale tibaaxeen in beesha caalamka iyo Qaramada Midoobey ay sidhow ula socoto dedaalada dheeriga ah ee Puntland ku bixisay sidii ay u hir geli lahayd hanaanka Dimuqraadiyada Soomaaliya.

Dhinaca kale Madaxweynaha Puntland Dr. Cabdiweli Maxamed Cali Gaas ayaa dhankiisa ugaga mahad celiyey Madaxda xafiiska UNSOM Mr. Aaward Bell kawarhaynta iyo lasocodka doorashooyinka ka socda Puntland, sidoo kalena ugaga warbixiyey doorashada aqalka hoose ee haatan ka socota Puntland halka ay marayso.

Ugu danbayn, Madaxweynaha Puntland ayaa weftiga ka socdey xafiiska UNSOM si qoto dheer uga xog bixiyey xaaladda abaareed ee ka jirta Puntland welibana u sheegay in loo baahan yahay in gurmad deg deg ah loo fidiyo dadka ay abaaruhu saameeyeen, isagoo tilmaamay in ay muhiim tahay in beesha caalamku ay ka qayb libaax ka qaataan kana qayb galaan gurmadka loo fidinayo dadka ay abaaruhu ku habsadeen.

1-17 2-1