Animation

War Cusub: Lacag gaareysa ku dhawaad 11 Milyan oo Dollar ayaa laga waayay Khasnada Dowlada kadib Markii …

no responses
Monday January 23, 2017 - 11:55 under Somali News by Tifaftiraha K24
mqdefault

In kabadan 11 milyan oo doolaar oo dawladda Gambia leedahay ayaa la la’yahay ka dib markii uu dalkaas isaga baxay madaxwaynihii muddada dheer xilka hayay Yahya Jammeh, sida uu sheegay lataliyaha madaxwayne Adama Barrow.

Mai Ahmad Fatty ayaa sheegay in khuburo dhanka dhaqaalaha ah ay qiimaynayaan kharashka rasmiga ah ee dalka ka maqan.

Gawaarida raaxada iyo alaabo kale ayaa la saaray diyaarad xamuul ii Chad laga leeyahay isla habeenkii uu Jammeh dalka ka baxay.

Jammeh ayaa dalkaas isaga tagay Sabtidii, isaga oo soo afjaray 22 sano oo uu xilka hayay.

Wuxuu aqbalay natiijadii doorashada laakiin wuxuu dalka kaga baxay wada xaajood ay sameeyeen madaxda dalalka gobolkaas iyo hanjabaado ku aadan in ay milatarigooda u diri doonaan haddii uu xal kale diido.

Adam Barrow oo dhexda ka muuqda ayaa sheegay in uu qorshaynayo in uu sameeyo baaritaan ku aadan tacadiyo xuquuqda aadanaha ahLahaanshaha sawirkaREUTERS

Madaxwayne Barrow ayaa wali jira dalka ay dariska yihiin ee Senegal mana cadda wakhtiga uu soo laaban doono.

Si kastaba ha ahaatee ciidammada Galbeedka Afrika ayaa galay magaalada caasimadda u ah Gambia ee Banjul Sabtidii si ay u diyaariyaan imaanshihiisa.

Dad damaashaadaya oo isku aruursaday bannaanka madaxtooyada ayaa soo dhaweeyay markii ay ciidammadaasi galayeen dhismaha.