Somali News Top News

TOP NEWS: Shirweynaha Saxafiyiinta Soomaaliyed oo Maanta Muqdisho ka furmay

Waxaa maanta si rasmi ah magaalada Muqdisho kaga furmay shirweynaha Saxafiyiinta Soomaaliyeed kaasi oo ay ka qaybgalayaan wariyaal badan oo ka kala yimaaday magaalooyinka dalka.

Saxafiyiinta Soomaaliyeed ayaa doonaya in shirwaynahaan ay ku soo doortaan hogaanka ururka Suxufiinta Qaranka ee NUSOJ oo mudo badan is qab qabsi uu ka taagnaa.

Gudoomiye ku xigeenka gudiga Badbaadada NUSOJ Ismaaciil Sheekh Qaliif oo ka hadlay furitaanka shirkaan ayaa sheegay in maanta ay tahay maalin wayn oo suxufiyiintu ay doonayaan in aayaha ururkooda go’aan ay kaga gaaraan.

Ismaaciil Sheekh ayaa sidoo kale sheegay in shirkaan uu socon doono mudo Sadax maalmood ah, iyadoo wariyaasha ka kala yimid gobolada dalkana mudadaasi ay ku dooran doonaan hogaanka ururka NUSOJ.

Qaar ka mid ah saxafiyiinta oo ayaguna ka hadlay shirkaan ayaa sheegay inay ku faraxsanyihiin in maanta ay ka shirayaan mustaqbalka hogaankooda.

Sidoo shirkaan ayaa suxufiyiintu waxay ku waynay yeen 3-may oo ku began maalinta saxaafada Aduunka oo sanadkasta loo dabaal dago.

Waxay suxufiintu isla qireen in dhibaatooyin badan la soo maray laakiin haatan wali ay yiraan culeesyo heesta warbaahinta loona baahanyahay in laga gudbo.

Sikastaba shirkaan oo sii socon doona ilaa iyo labada maalin ee soo socota ayaa wuxuu yahay mid ay isku raacsanyihiin dhamaan suxufiyiinta Soomaaliyeed ee jooga dalka iyo dibada intaba.

Related posts

Sawirro: Gudoomiyihii Baarlamaanka Puntland oo isaga baxay Garoowe iyo ciidan badan oo uu siiwatay

admin

Lix tallaabo oo ay tahay inay qaado Somalia si ay uga jawaabto go’aanka Kenya

Mohamed Abdirashid Abaajo

XOG DEG DEG AH: Sirdoonka Dowlada itoobiya oo arin halis ku ah madaxweyne farmaajo ka bilaabay madaxtooyada villa soomalia

Tifaftiraha K24