Animation

TOP NEWS: Safiirka DFS ee Cumaan Abdirisaq oo laga guddoomay warqadihii safiir

no responses
Thursday November 12, 2015 - 7:15 under Somali News by admin
mqdefault

Suldaanka Saldanada Cumaan Suldaan Qaboos bin sa’id al sa’id ayaa maanta oo arbaca ah kuna beegan 11/11/2015 ka guddoomay waraaqaha aqoonsiga Safiirka JFS u fadhiyi doona dalka Cumaan Danjire/Abdirizak Farah Ali (Taano).
Safiirka ayaa salaan sharaf kaga qaatay qasriga Suldaanka Cutubyo ka tirsan ciidanka muusikada salaanta ee dalka cumaan, kadibna wuxuu ka sii aaday carshiga suldaanka halkaas oo looga guddoomay waraaqaha aqoonsiga.
Intaas kadib Safiirka JFS mudane C/risaaq Faarax Cali (Taano) wuxuu fadhi laqaatay Suldaanka saldanada Cumaan Suldaan Qaboos Bin Sa’id isaga oo u gudbiyey salaan uu uga siday Madaxwaynaha JFS mudane Xassan Shiikh Maxamuud.

Sidoo kale Suldaanka ayaa isna salaan u faray madaxwaynaha, Intaa kadib Suldaanka iyo Safiirka ayaa kawada hadlay xoojinta cilaaqaadka labada dal ee walaalaha ah.
Kulanka waraaqaha looga guddoomay safiirka ayaa waxaa goob joog ka ahaa General Maxamuud C/llahi Gaafow Agaasimaha hay’adda socdaalka iyo jinsiyadaha iyo Raage Cumar Cismaan xoghayaha labaad ee safaaradda JFS ee Cumaan.

logokis2