Animation

TOP NEWS: Guddoomiyihii Baarlamaanka Puntland oo xilka iska casilay

no responses
Wednesday October 28, 2015 - 7:56 under Somali News by admin
mqdefault

Wararka naga soo gaaraya magaalada Garoowe ee xarunta Gobolka Nugaal, isla markaana xarun u ah dowlad goboleedka Puntland ayaa waxaa laga soo sheegayaa in uu iska casilay xilkii uu hayay Guddoomiyaha baarlamaanka ee Puntland Saciid Xasan Shire.

Wararka qaar ayaa waxa ay sheegayaan in 40 ka tirsan Baarlamaanka Puntland ay mooshin ka keeneen, inkasta guddoomiyaha Baarlamaanka uu iscasilaadiisa u cuskaday in wada shaqeyn la’aan ay kala dhexeyso Madaxweynaha Dowlad goboleedka Puntland Cabdiweli Maxamed Cali Gaas.

Aasiya Cabdi Maxmauud oo ka mid ah wariyeyaasha ka howlgalla Puntland oo la hadashay Radio Muqdisho ayaa sheegtay in iscasilaada ay ka dambeysay khilaaf soo kala dhexgalay Guddoomiyaha is casilay iyo Madaxweynaha Puntland, kaasi oo ku saabsanaa lacago been abuur ah oo ay maamulka sameeyeen.

Guddoomiyihii baarlamaanka Puntland Saciid Xasan Shire oo shir jaraa’id ku qabtay hoygiisa ayaa tilmaamay in uu iska casilay xilka kadib markii uu xusay in isbuucyadii la soo dhaafay ay jireen khilaaf salka ku haya mooshin uu sheegay in laga diyaariyay oo loo gudbiya guddoomiye ku-xigeenka baarlamaanka, inkasta oo aysan isagu soo gaarin mooshinka

WhatsAppShare