Animation

SOMAALI MAXAA XAL U AH? W/Q Imam Hassan Jaamici

no responses
Sunday September 18, 2016 - 7:11 under Maqaalo by Tifaftiraha K24
mqdefault

Somali badan ayaa aaminsan qorshaha Soomaaliya laga leeyahay waa in laga fogeeyaa diinteeda Islaamka si ayan u helin raxmad Ilaahey oo ay ku degi laheyd. Waxaa lagu mashquuliyey nidaamyo shisheeye oo ah qabyaalad inay wax ku qeybsadaan oo waddankooda kala qeyb qeybiyaan oo xuduudo been been kala sameystaan oo shisheeyaha isu dhiibaan oo ay adduun iyo kursi ay Soomaali weyn ku iib geeyaan.

Ilaahey Albaabada xalka (nabad, midnimo iyo dowlad madax banaan) wuu noo furi lahaa (shardi) haddii Soomaali Ilaahey OO KELIYA u wada noqon lahaayeen iyagoo gacmaha is wada heysta oo xariga Ilaahey ( Kitaabka Quraan iyo Sunada) ay qabsan lahaayeen oo ay sii deyn lahaayeen nidaamyada shisheeye oo 26 sano na lug gooyey. Taasi waa macnaha guud tafsiirka aayadaha hoos ku qoran ee suuradda Al-Acraaf.

( ولو أن أهل القرى آمنوا واتقوا لفتحنا عليهم بركات من السماء والأرض ولكن كذبوا فأخذناهم بما كانوا يكسبون ( 96 ) أفأمن أهل القرى أن يأتيهم بأسنا بياتا وهم نائمون ( 97 ) أوأمن أهل القرى أن يأتيهم بأسنا ضحى وهم يلعبون ( 98 ) أفأمنوا مكر الله فلا يأمن مكر الله إلا القوم الخاسرون ( 99 ) )

Micnaha guud oo af Soomaali:

96. Ummad meel degan haddii ay Ilaahey keliya rumeyn lahaayeen oo ay ka cabsan lahaayeen isaga kaliya (oo ayan ka cabsan awoodaha ku wareegsan ama wixii shareecada ka hor imaanaya) wuxuu Ilaahey u fur furi doonaa raxmada iyo barakada Ilaahey oo kor (roob barwaaqo wato oo aan cadaab ahey) iyo dhulka (beero iyo xoolo caafimaad iyo barwaaqo) oo micnaheeda tahay nolol lagu dago ( nabad, caano, xasiloonni, amni iyo kala dambeyn iyo dowladnimo ). Laakiin markay diideen ku dhaqanka shareecada (oo ay qaateen dhaqamad xun xun sida Zinada, Khamriga iyo Darooga, Musuqmaasuqa) taasoo u horseeday halaag (amni daro, kala qeybsanaan, dayac, cuqubo joogto, dowlad la’aan, iska daba wareeg iyo tawfiiq iyo nasasho la’aan) oo iyaga gacamahooda sabab u ah.

97. Ma waysan ka cabsanayn inuu Ilaahey halaago iyadoo habeen ay tahay oo hurdo ku jira ( ka dib markay diideen ku dhaqan diintiisa) ama
98. Ma waysan ka cabsaneyn inuu Ilaahey uu halaago maalin cad iyagoo tumanayo ( rag iyo haween oo xaaraanta ku dhex jira).

99. Ma waxay halmaameen inuu Ilaahey halaagi karo macsi darteeda, ruux khasaaray (adduun iyo aakhiro ) ayaa hilmaama awoodaha ilaahey uu dadka ku halaago markay xeerarkiisa ay diidaan. (Imaam Xasan Albasry wuxuu yiray: Waxaa raaxo iyo amni been been ah dareema isagoo macsi ku jira ruux khasaaray adduun iyo aakhiro.

SOMAALI WAA INAY SOO GAARTAA OO AY AQBASHAA IN WAX WELIBA LA TIJAABIYEY LAAKIIN LAGU FASHILMAY BAL AY HORSEEDEEN IN SOOMAALI WAYN IYO JIRITAANKEEDA UU KHATAR KUJIRO. LAAKIIN WAXAAN WELI AAN SI DHAB AH LOO HIRGELIN KU DHAQANKA SHAREECADA OO DHAN!

Shareecada Islaamka haddii si sax loo hirgeliyo waxaa la helayaa:

1. Dal, dowlada iyo dad madaxbanaan
2. Midnimo iyo Soomaali weyn oo xuduud kala laheyn
3. Raxmad ilaahey oo keeni doonto nabad, barwaaqo iyo horumar kala joogsi laheyn

4. Walaanimo iyo is jeceyl kala go’o laheyn oo Ilaahey keenaya
5. Awood iyo heybad ay naga heybeystaan cadawgeena

Imam/Director Hassan Mohamud (Xasan Jaamici), J.D.& Ph.D. in Islamic Studies.
Professor of Islamic University of Minnesota
Islamic Dawah Center/Minnesota Dawah Institute
478 University Avenue West
St. Paul, MN 55103
email: xasanjaamici@gmail.com
Tel. 612-229-9483
Tel. 651-224-6722
Tel. 651-917-0633