Somali News Top News

SAWIRRO:Soomaaliya iyo Suudaan oo kawada hadlay arin tageero xoogan kuheshay dowlada Farmaajo

Danjiraha Jamhuuriyadda Federaalka Soomaaliya ee dalka Suudaan Mudane Cabdirisaaq Axmed Shoole oo kulan la qaatay Taliyaha Ciidanka Asluubta dalkaas Sarreeya Guud Xaatim Alnuur Cabdulqaadir ayaa kala hadlay xaaladda maxaabiis Soomaaliyeed oo ku jira xabsiyada dalkaas, kaddib kormeer uu ugu tagay maxaabiis ku jirtay xabsiga Koobar.

Danjiraha ayaa uga mahad-celiyey Dowladda Suudaan fulinta codsigii Safaaradda ee ku aaddanaa in laga wareejiyo maxaabiista soomaaliyeed xabsigii hore ee ay ku jireen, loona wareejiyey xabsi kale oo ay codsadeen, arrintaas oo haatan ay fulisay Dowladda Suudan.

Dhankiisa, Taliyaha Ciidanka Asluubta Suudaan ayaa ammaanay hab-dhaqanka wanaagsan ee Ardayda iyo Jaaliyadda Soomaaliyeed ee ku sugan dalkaas, waxa uuna tilmaamay in lix qof oo kaliya ay yihiin muwaadiniinta Soomaaliyeed ee ku jira xabsiyada dalka, taas oo noqonaysa mid aad u yar markii loo eego tirade guud ee muwaadiniinta Soomaaliyeed ee ku dhaqan Dalka Suudaan.

Sarreeya Guud Xaatim Alnuur Cabdulqaadir ayaa Safiirka uga warbixiyey muwaadiniinta Soomaaliyeed ee Lixda ah ee ku jira xabsiyada dalk aSuudaan, dacwadaha lagu soo oogay, xukunnada lagu riday iyo muddada ay haatan xiran yihiin.

Danjire Shoole ayaa u gudbiyey Taliyaha Ciidanka Asluubta Suudaan salaan iyo farriin uu uga siday dhiggiisa Soomaaliya Sarreeye Guud Bashiir Maxamed Jaamac, taas oo ku saabsan xoojinta iskaashiga iyo wadashaqeynta labada ciidan.

Safaaradda Jamhuuriyadda Federaalka Soomaaliya ee Khartoum ayaa xoogga saareysa sidii ay xuquuqdooda u heli lahaayeen maxaabiista Soomaaliyeed ee ku xiran, iyadoona la qaadi doono tallaaboyinka sharci iyo diblumaasiyadeed ee ku aaddan arrinkan.

Related posts

Xasaasi: Waxbadan ka Ogow Sababta Maanta uusan u shaqeyneynin Garoonka Diyaaradaha Aadan Cadde ee Magaalada Muqdisho

Tifaftiraha K24

Dhagayso Barnaamij gaar ah: Kala Fogaanshaha Labada Maamul ee Konfur Galbeed. W/D: Cumar Laki Man.

admin

TOP NEWS: Dhageyso Amisom oo Soo bandhigtay Magacyada Saraakiil ka tirsan Alshabaab + Magacyada Saraakiisha la dilay oo Ajaanib ay ku jiraan

admin