Sawirro: Kheyre iyo Shariif Xasan oo ka qeyb galay Shir lagu heshiisiinaayo beello ku dagaalamay Magaalada Marka oo Muqdisho ka furmay

0

Magaalada Muqdisho waxaa maanta ka furmay shir dib u heshiisiin ah oo lagu heshiisiinaayo beello ku dagaallamay magaalada marka ee xarunta gobolka shabeellada hoose.

Shirka daah-furkiisa waxaa maanta ka qeyb galay Ra’isul wasaaraha xukuumadda federaalka xasan cali kheyre hogaamiyaha dowlad goboleedka koonfur galbeed shariif xasan shiikh aadan iyo guddoomiyaha golaha aqalka sare Cabdi xaashi , xildhibaanno iyo odayaal dhaqmeed kasoo jeeda labada beellood ee la heshiisiinaayo.

Shirkaan waxaa soo qaban qaabisay wasaaradda arrimaha gudaha,federaalka iyo dib u heshiisiinta waxaana shirka furay wasiirka wasaaradda arrimaha gudaha cabdi maxamed sabriye.

Afartii sano ee la soo dhaafay magaalada marka waxaa ka jiray dagaallo beeleed u dhaxeeya beello gobolka wada daga waxaana dagaalladaasi ay saameyn weyn ku yeesheen wax soo saarikii gobolka iyo dhaqaalihii gobolka oo ku tiirsanaay wax soo saarka iyo xoolo dhaqashada.