Sacuudiga Oo Xukun dil ah ku fuliyey Shaqaale U Dhashay Dalka Indonesia

0

Maamulka dalka Sacuudiga ayaa qoorta ka jaray nin ku eedeysan inuu dilay nin kale inkastoo la tuhunsan yahay in eedaysanaha lagu qasbay inuu qirto danbiga dilka.

Sida laga soo xigtay Migrant Care, hay’ad Indonesian ah oo u qaabilsan daryeelka shaqaalaha muhaajiriinta ee reer Indonesia, ayaa xaqiijiyay in muwaadin udhashay dalka Indonesia laguna magacaabo Zaini Misrin la dilay ka dib markii lagu helay dambi ah inuu dilay nin uu darawal u ahaa oo Sacuudiyaan ah sanadkii 2008, ka dib markii la xiray afar sano ka hor.

Migrant Care ayaa ka shaki qaba in 53 jirkan lagu qasbay inuu qirto dilka. Kooxdan ayaa sidoo kale sheegtay in Zaini uusan helin gargaar dhanka sharciga ah intii lagu gudo jirey maxkamadeenta kadibna uu la socday turjubaan la rumaysan yahay in uu ku qasbay inuu qirto dembiga oo uu sheeganayay inuusan gaysan.”Sacuudi Carabiya sidoo kale ma ogeysiisin Indonesia arinta ku saabsan fulinta dilka iyada oo loo marayo qunsuliyadda guud ee Jeddah ama Wasaaradda Arrimaha Dibadda,” ayay kooxdu ku tiri hadal qoraal ah oo la sii daayay Isniintii.