Animation

Qaar kamid ah wasiiradii c/wali gaas uu dhawaan magacaabay oo maanta lagu dhaariyay garoowe

no responses
Thursday August 10, 2017 - 11:45 under Somali News by Tifaftiraha K24
mqdefault

Waxaa maanta oo ay tariikhdu tahay 10 August 2017 qasriga Madaxtooyada Garoowe ee caasimadda Puntland lagu dhaariyey Wasiirka Wasaaradda Dastuurka iyo Arrimaha Fadaraalka Cabdifaatax Saciid Caynab iyo Wasiir Ku-xigeenka Wasaaradda Horumarinta Haweenka iyo Arrimaha Qoyska Faa’iso Cali Ismaaciil oo kamida labadooduba Golaha Wasiirada cusub ee Madaxweynaha Puntland Dr. Cabdiweli Maxamed Cali Gaas magcaabay 06 August 2017 lana shaaciyey magcaabista digreetada Madaxweynaha 07 August 2017.

Munaasibadda dhaarta labadani masuul ayaa waxaa goobjoog ka ahaa Madaxweynaha Puntland Dr. Cabdiweli Maxamed Cali Gaas, xubin ka tirsan Maxkamadda Sare ee Puntland iyo saraakiil ka tirsan Madaxtooyada Puntland.

Madaxweynaha Puntland Dr. Cabdiweli Maxamed Cali Gaas ayaa dhaarta kadib kula dardaarmay labadani Masuul inay garawsadaan in xilkan ay u qabteen dalkooda iyo dadkoodaba uu yahay mid u baahan xilkasni, geesinimo, dedaal dheeradda, daacadnimo, hal-abuur shaqo iyo waddaninimo.

Sidoo kale Madaxweynaha Puntland ayaa ku booriyey Wasiirka iyo Wasiir Ku-xigeenka inay ka foojig-naadaan, fiiro gaarana u lahaadaan wax kasta oo gaabis shaqo ku keenaya hawlahooda shaqo, waxaana uu Madaxweynuhu xasuusiyey in Puntland maanta ka socdo horumar balaadhan oo dulucdiisu tahay dhisidda kaabayaasha dhaqaalaha Puntland.

Ugu Danbayntii, Madaxweynaha Puntland Dr. Cabdiweli Maxamed Cali Gaas ayaa Alle ‘’SWC’’ uga baryey labadani masuuli inuu u fududeeyo hawlahooda shaqo ee ay u qaban doonaan dadkooda iyo dalkooda, isla markaana Alle ku asturo masuuliyadda weyn ee loo igmaday.

=DHAMMAAD=

XAFIISKA, WARFAAFINTA, WACYI-GELINTA HIDDAHA IYO DHAQANKA EE MADAXTOOYADA  PUNTLAND.