Somali News

“Meel ka dhac loo gaystay Nabiga” NNKH oo horseeday Iscasilaad Wasiir

Dibed baxayaal Islaamiyiin ah oo Sabtidii ay isku dhacyo dhex mareen booliska Pakistan, ayaa sheegay inay soo afjarayaan mudaharaadka ka dib markii uu iscasilay wasiirka caddaaladda ee dalkaasi, Zahid Xamid.

Dibed baxayaasha ayaa xiray waddo weyn oo marta caasimada Islamabad, waxaana ay dalbanayeen in xilka laga qaado wasiirka oo ay ku eedeeyeen inuu diinta Islaamka ku xadgubay.

Wasiirka ayaa loo haysaa in sharci cusub oo ah kan dhaarinta mas’uuliyiinta uu ka reebay magaca Nebi Maxamed NNKH.

Dad badan ayaa u arkay in dibad baxyada dhacayay ay muujinayeen caqabaha haysta dowladda rayidka ah ee taagta daran iyo in kooxaha Islaamiyiinta ah ee mudaharaadka waday ay taageero ka haystaan milateriga Pakistan.

Shakina kuma jiro cidda guulaystay.

Dowladdu waxay lumisay wasiirkeedii, waxaana lagu qasbay inay ogolaato dalabaadka dibed baxayaasha oo ay ka mid yihiin in la sii daayo dadka ay boolisku ka qabqabteen mudaharaadyada iyo inay nadiifiso wadooyinka.

Ayadoo hogaamiyaha xisbiga talada haya, ahna ra’iisulwasaarihii hore Nawaz Sharif uu wajahayo dacwad musuq maasuq, ayaa guuldarradan waxay su’aal gelinaysaa siyaasadda dowladda iyo dimuqraadiyadda dowladda rayidka ah.

Related posts

Ra’isul wasaare kheyre iyo wafdi caalami ah oo maanta ku wajahan Magaalo xeebeed-ka Hobyo

admin

War Cusub: Maxay tahay Sababta Madaxweyne Xasan Shiikh uu Waqtigaan Abaal marinta u Gudoonsiiyay Yaxye Cali Ibraahim Xoghayaha Joogtada ee Wasaaradda Arimaha Gudaha???

Tifaftiraha K24

Muqdisho:-Xildhibaan Ka tirsan Aqalka sare Oo si kulul uga hadlay dhismaha derbiga kenya

Ahmed sudani