Somali News

Maxkamada ICJ oo war kasoo saartay kiiska dacwada badda Soomaaliya iyo Kenya

Maxkamada Cadaalada Aduunka ee ICJ oo sanad walba soobandhigta wax qabadkeeda sanadlaha ah ayaa waxay sanadkaan warbixinada ay soo qaadatay kamid ah dacwada badda ee udhexeysa Soomaaliya iyo Kenya oo ay maxkamadu garwadeen ka tahay.

Maxkamada ayaa gabi ahaan beenisay war kasoo baxay Kenya oo ahaa inaysan ICJ qaadi karin dacwada badda ee udhexeysa Soomaaliya iyo Kenya waxayna maxkaamda sheegtay in ay dacwadaan qaadisteeda awood sharci ah uleedahay isla markasna ay iyadu go’aan kagaarayso.

Dhanka kale maxkamda ICJ ayaa warbixinteeda sanadlaha ah ku sheegtay in Soomaaliya iyo Kenya ay ku guuldareysteen in dooda badda ee udhexaysa labada dal ay si diblomasiyadeysan u dhameystaan waxayna maxkamda sheegtay inaan labada dal midna markale laga aqbaleyn muddo kororsi kale amaba codsi ku’adan in dacwada dhageysigeeda dib loodhigi.

Kiiska dacwada badda ee udhexeeya Soomaaliya iyo kenya ayaa labbo jeer oo hore dib loo dhigay qaadista iyo dhagaysiga dacwadooda,Kenya ayaa inta badan kudooda in labada dowladood dhexdooda isxalinkaraan oo aan maxkamad loo baahneyn halka Soomaaliya ay ku doodayso in kiiskaan lagu kala baxo go’aanka maxkamada.

 

Related posts

Shirka Madaxda Maamul Goboleedyada Dalka Oo Goordhaw ka Furmaya Baydhabo.

Ahmed sudani

War Cusub: Dowladdaha UK iyo Masar oo si wadajir ah uga tashanaya xaaladda dalka soomalia

Tifaftiraha K24

CALI GEEDI oo xoqonaya kaarkii Cabdullaahi Yuusuf Iyo cumar cabdirashiid…

Mohamed Abdirashid Abaajo