Animation

Maxaa laga doonaaya in uu Sameeyo Wariyaha Tabinaaya War ku saabsan Kufsi dhacay

no responses
Tuesday January 24, 2017 - 9:34 under Somali News by Tifaftiraha K24
mqdefault

Kufsi waxaa uu ka mid yahay dembiyada culculus ee Saxaafaddu ay tahay in ay aad uga fiirsato qaabka ay u tebineyso.

Khibrad, aqoon guud iyo mid qaanuun in lala kaashado ka sokow, Saxaafadda tebineysa kufsi waxaa habboon in Tifatiraha ugu sarreeyaa uu ka warhayo habka loo dhigayo warka, mas’uuliyadda kama dambeysta ah ee go’aanka tebintana uu isagu qaataa.

Xeerarka saxaafadda ee aan muddo dheer ku soo shaqeeyay, in badanna aan tababbar uga bixiyay London iyo caasimado badan oo Afrika ahi waxay qabaan in haddii uu dhaco kufsi oo ah fal dembiyeed aad u culus aan la sheegin magaca dhibbanaha.

Dalalka qaarkood sida UK wuxuu sharcigu qabaa in aan abid la soo hadal qaadin magaca dhibbanaha kufsi iyo xataa in aan la sheegin tilmaan lagu garan karo qofka la kufsaday.