Somali News

Madaxwenihii hore ee Maamulka Galmudug Mudane Xaaf Oo Aqbalay Inuu La Kulmo Madaxweynaha.

Madaxweynihii hore ee dowlad goboleedka Soomaaliyeed ee Galmudug, Axmed Ducaale Gelle (Xaaf) ayaa lagu soo warramayaa inuu ugu dambeyn aqbalay in uu la kulmo madaxweynaha cusub ee maamulkaasi, Axmed Cabdi Kaariye (Qoor-Qoor).

Arrintaan ayaa ku timid, kadib dadaallo ay sameeyeen waxgaradka iyo odayaasha dhaqanka deegaanada Galmudug oo Xaaf ka dalbaday inuu u tanaasulo dadkiisa.

Sidoo kale madaxweynihii hore ee maamulka Galmudug ayaa lagu wadaa inuu ka qeyb-galo xafladda caleema saarka ee Qoor-Qoor, kadib markii uu hoygiisa Gaalkacyo ku booqday guddoomiyaha guddiga qaban-qaabada munaasabadaasi, Yuusuf Garaad.

Galmudug oo marxalado kala duwan soo martay ayaa hadda yeelatay weji cusub, kadib markii laga adkaaday ururka Ahlu Sunna oo ku xooganaa deegaanada maamulkaasi.

Related posts

Daawo: Sawirada Shirka Golaha Wasiirada ee lagu ansixiyay isbadalka hogaanka ciidanka Qalabka sida iyo Gobolka

Tifaftiraha K24

Madaxweynihii Hore ee Dalka Sheekh Shariif Sheekh Ahmed walaalkis oo xalay Muqdisho lagu dhaawacay.

admin

Yuusuf Garaad Oo Booqday Maxaabiista Soomaalida Ee Ku Xiran Seychelles

Ahmed sudani