Somali News

Kooxda Al-Shabaab Oo La Wareegtay Deegaan Ay Ku Sugnaayeen.

Wararka aan ka heleyno deegaan ka tirsan Gobolka Hiiraan ayaa waxaa ay sheegayaan in dagaal u dhexeeyay Ciidanka dowladda Federaalka iyo dagaalamayaasha Al-shabaab saakay halkaas uu ka dhacay.

Dagaalkan ayaa waxaa uu sigaar ah uga dhacay deegaan lagu magacaabo Farlibaax oo qiyaas ahaan 45 KM u jira Magaalada Baladweyne ee Xarunta Gobalka Hiiraan, waxaana la sheegay in dagaalka uu socday muddo kooban.

Dadka deegaanka ayaa soo sheegaya in dagaalka kadib, Al-shabaab ay la wareegeen gacan ku heynta deegaanka Farlibaax, isla markaana waxaa halkaas isaga baxay Ciidankii dowladda Federaalka ee ku suganaa.

Wararka ayaa intaas kusii daraya in Al-shabaab ay goob fagaaro oo ku taalla deegaanka Farlibaax ay dadka deegaanka isugu keeneen, iyagoona la sheegay inay Khudbad u jeediyeen.

Ilaa iyo hada lama oga halka ay u ruuqaansadeen Ciidankii dowladda ee ku sugna deegaanka Farlibaax oo 45 KM u jira Magaalada Baladweyne, sidoo kalena ma jiro wax war ah oo kasoo baxay Saraakiisha Ciidanka oo ku aadan ka bixitaankooda halkaas.

Related posts

Garoowe: Maxaabiis Al-Shabaab ah Oo ka Baxsatay Xabsi ku Yaalla Magaalada Garowe

Sakariye Sakariye

Top News: Maamulka Ahlu Sunna oo maanta arinkaloo layaab leh Dhuusamareeb ka sameynaya!!!

admin

XOG CULUS: Dowlada Mareykanka oo Ka Walaacsan Weerarkii Droneskeeda ay la beegsadeen Ciidanka Galmudug iyo Xiriirka Puntland iyo Mareykanka oo Mugdi galay

Tifaftiraha K24