Somali News

Kenya Oo Burburisay Saldhigyo Ay leeyihiin Alshabaab

Ciidamada Ammaanka dalka Kenya ayaa shaaca ka qaaday in guud ahaan ay burburiyeen  lix Saldhig oo Al-shabaab ay ku lahaayeen degaanka Lamu ee Sohdinta Soomaaliya u dhow.

Agaasimaha  howlgalka Keynta Boni ee dalka Kenya Joseph Kanyiri  ayaa warbaahinta u sheegay in ay guud ahaan dhulka la simeen Saldhigyaddaasi oo Al-Shabaab ay kasoo qaadi jireen Weeraradda dalka Kenya gaar ahaan gobolka Waqooyi Bari.

Waxaa uu sheegay in Ciidamada Kenya ee saldhigyadaas bur buriyay ay heleen Hub farabadan,Daawo,Cunto iyo agab kale oo laga sameyn karo walxaha qarxa.

Agaasimaha ayaa sidoo kale xaqiijiyay in ay dileen Xubno ka tirsan Al-Shabaab intii ay howlgalkaasi ay waddeen.

Howlgalka ka dhanka Al-Shabaab ee Booni ayaa Sanadkii 2015-tii billowday kaddib markii weerarro dhowr ah ay Al-shabaab ka fuliyeen gudaha Kenya,waxaana dowladda Kenya ay hadda sheegeysaa in howlgalkaas uu gebo gebo ku dhowyahay maaddaama sida ay ku faaneyso laga guuleystay Al-shabaab gudaha Dalka Kenya.

Related posts

Dhagayso:- Wasiirka Ganaciga Puntland oo Fah faahin Kabixiyeey safaro uu dalka dibadiisa ku tagay

Tifaftiraha K24

Video+Sawiro:-Wasiirka Boostada iyo Isgaarsiinta Soomaaliya iyo Jaaliyada Soomaalida Switzerland oo Bern ku Kulmay.

admin

Top News Golaha ammaanka ee Qaramada Midoobay oo ansixisay weerar ka dhan ah Daacish

admin