Somali News

Haween badan oo lagu dilay Ceel Afweyne iyo ragii dilay qaarkood oo la qabtay

Deegaanka Ceel Afweyn ee gobolka Sanaag waxaa wali ka taagan colaad la xalin waayay oo u dhaxeysa labo beelood oo halkaasi wada dega, colaada ayaana marba marka ka dambeysa wajo cusub sii yeelaneysa.

Maleeshiyaad hubeesan ayaa shalay deegaanka Ceel Afweyn ku dilay 7-qof oo shacab ah oo afar kamid ah dumar ahaayeen , dilkan ayaana dhaliyay caro xoogan oo ka timid shacabka iyo maamulka Somaliland.

Madaxweyne ku xigeenka Somaliland,  Cabdiraxmaan Cabdilaahi Ismaaciil (Saylici) ayaa cambaareeyay falkan lagu laayay afarta haweenka iyo sadexda raga, waxa uuna tacsi u diray ehelada dadkii ay ka geeriyoodeen dadka la laayay.

Saylici ayaa sheegay in Ciidamada amnigu ay gacanta ku soo dhigeen qaar ka mida dablaydii geysatay fal-danbiyeedkaa foosha xun, laguna daba jiro intii kale, waxa uuna xusay in ay socdaan hawl-galka lagu baadi goobayo hadraaga.

Madaxweyne kuxigeenka Somaliland ayaa ugu baaqay ehelada dadkooda ku waayey falkaasina inay dejiyaan xaaladooda kana war-sugaan hawl-galka ciidamada wadaan si dadkaasi dilka geestay sharciga loo horgeeyo.

Waxa uu amray Madaxweyne ku xigeenku  ciidamada amaanka iyagoo gudanaya waajibaadkooda inay sugaan nabadgelyada deegaankaasi, cid kasta oo falal amni daro ku hawlana ay gacan bir ah ku qabtaan.

Related posts

XOG CULUS: Akhriso k24 oo Heshay Warmurtiyeedka lagu wado in laga soo saaro Shirka Madasha Wadatashiga Qaran ee Muqdisho ka Socda

Tifaftiraha K24

Daawo Sawirrada: Qaraxii ka dhacay agagaarka madaxtooyada villa soomaliya iyo qasaaraha ka dhashay

Tifaftiraha K24

Ciidamada Dawladda Soomaaliya oo saakey amar ku bixiyey in shacabku aaney mari karin waddada weyn ee Maka-Al-mukaramma

admin