Gudoomiya Kuxigeenka Barlamaanka C/weli Muudey ooka biya  diiday in shirarka Baarlamaanka lagu qabto…

0

Warar hoose ayaa sheegaya in Gudoomiye kuxigeenka koowaad ee Baarlamaanka Somaliya Mudane Muudey oo gacansaar Xoogan la leh xukuumadda Ra’iisal wasaare Kheyre uu meesha ka saaray dalab kaga yimid Guddoomiyaha Baarlamaanka Maxamed Sheekh Cismaan (Jawaari) oo ku saabsan in kulanka Baarlamaanka lagu qabto Teendhada Xalane ee lagu doortay madaxweyne Farmaajo.

Sidoo kale Arrintan ayaa noqotay khilaaf kale oo kusoo kordhay muranka ka taagan Mooshinka Jawaari, waxaana dalbaday in ciidamada laga qaado xarunta Baarlamaanka Guddiga Aqalka sare iyo xildhibaanno ka tirsan Baarlamaanka.

Dhanka kale Wararkii ugu danbeeyay ayaa sheegaya in xukuumadda ay dib ugu soo celisay xarunta Baarlamaanka qeyb yar oo ka mida askartii ilaalada ka ahayd xaruntaasi, iyadoo ciidamadii hore loo geeyay ay ilaalo ka hayaan xeyndaabka xarunta aqalka Baarlamaanka.