Somali News

Farmaajo oo baaq deg deg ah ka soo saaray dagaal beeleedka ka socda deegaanka Xeeraale ee Gobolka Gal-guduud.

Muqdisho, 21 Luulyo 2017: Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ku baaqay in si deg deg ah loo joojiyo dagaalka kataagan agagaarka deegaanka Xeeraale ee Gobolka Gal-guduud.

Madaxwaynuhu waxa uu sheegay in colaaddaan ay tahay arrin foolxun, nasiib darro ah oo aan loo dulqaadan karin in ay sii socoto.

Madaxwaynaha ayaa sheegay in Dowladda Federaalka Soomaaliya ay qaadayso tallaabo kasta oo lagu joojinayo colaaddan,waxa uuna intaas raaciyey in deeganadaas loo dirayo guddi soo baara sababaha keenay dagaalkaas iyo dhibaatada ka dhalatay.

Madaxwaynaha oo ka hadlayey tallaabooyinka deg-degga ah ee ay dowladdu qaadayso ayaa yiri “ Dowladda indhaha kama fiirsaneeyso, umana dulqaadan doonto in ay colaadda sii socoto, dadkeenna aan waxba galabsanna lagu sii dhibaateeyo. Deegaanka colaaddu ka dhacday waxaan u dirayaa guddi xaqiiqo raadin ah kuwaas oo soo baara sababaha dhabta ah ee kiciyay colaadda.”

Madaxwayne Farmaajo ayaa tacsi u diray dhammaan eheladii iyo qarabaadii ay ka geeriyoodeen dadkii lagu laayey dagalaaka ka dhacay deeganaadaas.

->DHAMMAAD<

Xafiiska Warfaafinta ee Madaxtooyada
Jamhuuriyadda Federaalka Soomaaliya

Related posts

Akhriso: Jaamacadda carabta oo war xasaasi ah ka soo saartay marxaladdii dagaal ee madaxweyne farmaajo uu dhawaan ku dhawaaqay

Tifaftiraha K24

War Cusub: Waa kuma Danjiraha Soomaliya ay u Magacowday Wadanka Faransiiska???Warbixin+Sawirro ayaan Idin kaga heynaa

Tifaftiraha K24

Wariye Galabta lagu dilay Magaallada Muqdisho iyo dowaldda Federaalka oo lagu….

admin