Animation

Faah faahin dheeraad ah oo ku saabsan dabkii xalay ka kacay suuq bacaad magaalada muqdisho

no responses
Sunday September 3, 2017 - 9:32 under Somali News by Tifaftiraha K24
mqdefault

Waxaa xalay fiidkii hore dab xoogan uu ka kacay suuqa labaad ee magaalada muqdisho ee suuq bacaad .

Dabka ayaa waxa uu ku fiday goobo ganacsi oo ku yaala gudaha suuq bacaad waxaana la sheegay in qasaaro hantiyadeed uu ka dhashay.

Waxaa lagu guuleystay in goor dambe la damiyo dabkii xooganaa ee xalay ka kacay Suuq-Bacaad ee Degmada Yaqshiid.

Dabkaasi oo marka hore ka bilowday qeybta Sarifka ah ee Suuqaasi ayaa ku sii fiday qeybaha kale wuxuuna baabi’iyay dhismayaal badan,sidoo kale waxaa damkaasi uu sababay qasaare hantiyadeed oo xoogan,iyadoo gebi ahaanba ay basbeeleen dhismaayaal ganacsi oo badan.

Dab ka dhashey koronto ayaa si dhaqsi ah ku fiday,kaasi oo si deg deg ah u gubay hanta badan oo tiilay Bakhaarada Ganacsiga,balse marki dambe lagu guuleystay in la dembiyo sida uu warbaahinat u sheegay C/salaam Axmed C/llaahi oo kamid ah howlwadeenada  gaadiidka demdemiska ee Gobolka Banaadir.

“Dabka waxaa uu bilowday fiidkii,wuxuuna ka dhashey koront,runtii waxaa ku basbeeley halkaasi hanta badan,balse majiraan wax qasaare nafeed ah inta aan aragnay,Gaadiidka gurmadka deg dega ah ayaa halkaasi gaaray alle mahadii waan ku guuleysanay”,Ayuu yiri C/salaam Axmed.

Saaka ayaa xaaladda goobtii demba uu ka kacay waxaa lagu arkayaa dadweyne aad u farabadan oo u soo daawasho tagay,mashaqadaasi dhacday,iyo ganacsatadii ku hanta beeley oo ka murugaysan dhacdadaasi.

Ma ahan arrin cusub dem ka koco suuqyada Muqdisho ugu waaweyn. Balse arrinta ugu dhibka badan ayaa ah goobaha qaar koor oo u dhisan qaab isku raran ah oo ciriiri ah,taasi oo ay adagtay in si fudud gaadiidku ay u maraan si loo damiyo.

Dowrjeer oo hore ayaa waxaa dab ka kacay Suuqyada Bakaaraha iyo Suuq-Bacaad, muddooyinkii ugu dambeeyeyna maamulka Gobolka Banaadir ayaa ku howlanaa sidii loo furi lahaa waddooyinka si ay u fududaato gurmadka waqtiyada dhibaatadu ay dhacdo.