Somali News

Dulmane Cabdiraxman Cabdi Shakuur Xukuumada Somaliya waxay u ogolaatay Xasan Daahir Aweys in uu ku baaqo dilkeyga

Guddoomiyaha xisbiga Wadajir C/raxmaan C/shakuur Warsame ayaa sheegay nin dowladda Soomaaliya ay u ogolaatay Shiikh Xasan Daahir Aweys oo u xiran inuu ku baaqo in isaga la dilo, kuna xukumo gaalnimo.

“Dowladda Soomaaliya waxay u ogolaatay Xasan Daahir Aweis, oo argagixiso ah oo dilay kumanaan dad ah, inuu ku baaqo dilkeyga, iyadoo dowladdu ku taageereyso isaga iyo taageerayaasheeda inay si isku mid ah lagu faafiyo baraha bulshada, Miyaanay caddayn inay dawladdu la shaqayso argagixisada” ayuu yiri C/raxmaan C/shakuur oo qoraalkan soo dhigay bartiisa Twitterka.

Hadalkan ayaa yimid markii Xasan Daahir uu bartiisa Facebook soo dhigay muuqaal uu ku tilmaamay C/raxmaan C/shakuur inuu ku dhacay gaalnimo kaddib markii uu sheegay inuu ku jees jeesay axaadiis ka sugnaaday Nabi Muxamed (NNKH) isagoo ugu baaqay inuu towbad keeno.

Xiisada u dhexeysa Culimada Soomaalida iyo siyaasiga C/raxmaan C/shakuur ayaa u muuqata mid cirka isku soo shareereysa, taasoo ka dambeysay markii siyaasigan lagu eedeeyey inuu inkiray axaadiis ka sugnaatay nebiga NNKH oo ka hadlayey kaalinta haweenku kaga jiraan bulshada, uuna ku tilmaamay axaadiistaas kuwo ay jeebkooda kala soo baxeen culimada qaarkood.

Related posts

Daawo: Cabdi Wali Gaas iyo Ku Xigeenkiisa Cameey oo barxada Garoowe ku Ruxay Koobka Maamul Goboleedyada oo Puntland ay ku guuleysatay

Tifaftiraha K24

War hada: Saraakiisha Dowlada oo Afgooye kusoo Bandhigay Meydadka Askar Shabaab ka tirsan oo….

Tifaftiraha K24

Madaxweynaha Dowlad Deegaanka Soomaalida Itoobiya oo ka hadlay sii deynta Maxaabiista.

Sakariye Sakariye