Somali News

Dowlada Kenya oo jawaab ka bixisey dalabkii Xukuumada Somaliya ee. 

Dowladda Kenya ayaa markii ugu horreysay ka hadashay arrinta wasiirka amniga Jubbaland, Cabdirashiid Janan iyo dalabkii dowladda federaalka ee ku aadanaa inay u soo gacan geliso, si loo maxkamadeeyo gudaha dalka.

Xoghayaha wasaradda arrimaha dibadda Kenya, Macharia Kamau oo la hadlay wargeyska Daily Nation ayaa meesha ka saaray in xukuumaddu ay awoodo go’aaminta wasiir Janan.

Macharia Kamau ayaa sidoo kale tilmaamay in arrintaan kaliya ay ka falcelin karaan saraakiisha ciidamada amniga, sida uu hadalka u dhigay.

“Arintani gacanteenna kuma jirto, waxaan kugula talinayaa inaad la xiriirto kuwa laga yaabo inay wax ka og Yihiin, waana ciidamada amniga”.yauu yiri Mr. Kamau.

Sidoo kale Daily Nation ayaa xusay in wasiirka amniga Jubbaland uu degan yahay hoteel ku yaalla Mandera, islamarkaana ay amnigiisa la wareegeen ciidanka Kenya, inkastoo horay wasiirku wareysi uu siiyey BBC-da ku sheegay inuu joogo degmada Beled-Xaawo.

Hadalkaan ayaa ku soo aadaya, iyadoo dowladda Soomaaliya ay Kenya iyo Booliska ENTERBOOL ka dalbatay in la soo gacan galiyo wasiir Janan oo 28-kii bishii hore ka baxsaday halkii uu ku xirnaa, isaga oo doon dheereysa ku tagay magaalada Kismaayo.

Janan oo xiran tuutaha milatariga ayaa sidoo kale shalay ka soo muuqday duleedka Beled-Xaawo, halkaas oo uu ka wado dhaq dhaqaaq ka dhan ah ciidanka dowladda.

Xaaladda gobolka Gedo, gaar haan Beled-Xaawo ayaa aad u kacsan, iyadoona wararka qaar ay sheegayaan in barakac xoogan uu ka bilowday gudaha magaaladaasi.

Related posts

DEGDEG: EX-Xildhibaan Salah Badbaado oo ka mid noqday raga isku qarxiyey Muqdisho maanta

admin

Shaqaalaha Kaawooyinka Dhagaxa ee Mandera oo lagu amray inay shaqada joojiyaan cabsi laga qabo Alshabaab.

admin

SAWIRRO:- Ra’iisul Wasaare ku xigeenka Dalka oo daahfuray siyaasadda Qorshaha Qaran ee cayaaraha Dalka

Ahmed sudani