Dil dad badan ka argagaxeen oo goordhaw ka dhacay magaalada Muqdisho.

0

Askari katirsan ciidanka booliiska Soomaaliya ee loogu tala galay in amaanka shacabka xaqiijiyaan ayaa goordhaw dil dad badan ka argagaxeen waxa uu u geestay wiil dhalinyaro ah oo darawal Mooto bajaaj ahaa.

Dilkan ayaa ka dhacay bar koontarool ay ciidanka booliiska ku leeyihiin Isgooska Tarabuunka, waxaana askariga la sheegay in muran yar kadib uu rasaas ku dhuftay darawalka Mooto bajaajta.

Goob joogayaal ayaa ku waramay in mootada ay ku dhacday mid kamid ah caagaga baraha koontarool yaala , waxaana askariga dilka geestay uu ka carooday in mootada caagaaasi ku dhacdo, isagoona furaha mootada ka qaaday wadaha kadibna xabad ku dhiftay sida goob joogayaal xaqiijiyeen.

Warar kala duwan oo soo baxaya ayaa sheegaya in ciidamada amaanka gacanta ku dhigeen askariga dilka geestay, halka warar kalana sheegayaan in uu goobta uu dilka ka geestay si deg deg ah uga baxsaday.