Animation

Dhageyso: Madaxweynaha Hirshabeele Muxuu ka Yiri Xubnaha Aqalka sare kusoo Baxay Kuwaasi oo Hirshabeele Matali doono

no responses
Thursday November 10, 2016 - 12:36 under Somali News by Tifaftiraha K24
mqdefault

Madaxweynaha Maamulka Goboleedka Hirshabeelle Cali Cabdullahi Cosobleoo ka hadlayey doorashadii shalay ka dhacday Magaalada Jowhar ayaa sheegay in uu aad ugu faraxsanyahay qaabka ay u dhacday doorashadii Xubnaha Aqalka Sare ee Maamulkaasi.

Cali Cabdulaahi Cosoble ayaa Xusay in ay doorashadaasi tahay Guul taariikhi ah oo u soo hoyatay Dadka ka soo jeeda Deegaanada Hoos tago Maamulka Goboleedka Hirshabeelle iyo guud ahaan Ummada Soomaaliyeed.

Madaxweynaha ayaa sheegay in Maamulkooda uu ku guuleystay in ay siiyaan haweenka Qoondadii loogu talagalay oo ay ku lahaayeen Xubanaha Aqalka sare u matalaaya Maamulka Hirshabeelle, isagoo sidoo kale xusay in ay ku rajo weyn yihiin in ay sidoo kale ku guuleysan doonaan in ay haweenka xaqooda ka siiyaan xubnaha Aqalka Hoose.