Dhageyso: Barlamaanka kenya Hadii ay ansixiyaan Xaalad Meleteri Anakuna Waxaan ansaxindoonaa dalka inlaga saaro Ciidanka kenya.

0

Dhawaan Xubno ka tirsan baarlamanka Kenya ayaa baarlamaanka dalkaas waxaa ay u gudbiyeen mooshin ay ku dalbanayaan in Ciidamo la geeyo Dhul Baddeedka Soomaaliya, oo ay Kenya muranka gelisay, waxaana tallaabadaas ka jawaabay Xildhibaano ka tirsan Baaralamaanka Soomaaliya.

Sidoo kale Xildhibaanka oo Wareysi siinayay Tv-ga Somali Cable ayaa waxaa uu sheegay in hadii Baarlamaanka Kenya ay anisixiyaan mooshinka la horgeeyay ee ku saabsan in ciidamo la geeyo Badda Sooomaaliya oo ay Kenya muranka gelisay ay iyana Baarlamaanka Soomaaliya anisixin doonaan mooshin dalka looga saarayo Ciidamada Kenya.

Dhinaca kale, xildhibaan Cali Jowhar oo ka mid ah Golaha Shacbaka ayaa dhankiisa waxaa uu sheegay in Xildhibaan Aadan barre Ducaale oo ah hoggaamiyaha aqlabiyada Baarlamaanka Kenya uu yahay Shaqsiga Baarlamaanka dalkaas u gudbiyay mooshinka,isla markaana uu ka leeyahay dano siyaasadeed oo u gaar ah.

Waxaa uu hadalkiisa intaasi ku daray in hadiiba dowladda Kenya ay ku dhawaaqday tallaabo Millateri aysan ka dhaxeynin wax xiriir ah, waxaana uu sheegay in qorshaha uu wado Baarlamaanka Kenya aysan u socon doonin dadka soomaaliyeedna ay midoobi doonaan.