Somali News

Dhagayso:- Maadxweynaha Gal-Mudug si Kulul uga Hadlay Weraarkii Liido

Madaxweynaha dowlad goboleedka Galmudug Cabdikariim Xuseen Guuleed oo saxaafadda kula hadlay magaalada Cadaado ayaa si weyn u cambaareeyay weerarkii bahalnimada ahaa ee Sharwadayaasha al-Shabaab ku qaadeen xalay xeebta Liido ee magaalada Muqdisho.

Madaxweynaha ayaa tilmaamay inuu weerarkaasi ahaa mid waxuushnimo oo ay kooxdaasi ku doonayeen inay indhaha ka xiraan Shacabka Soomaaliyeed waxuuna hoosta ka xariiqay inay weerarkaasi la beegsadeen indhihii Shacabka gaar ahaan Arday ka qalin jabisay Jaamacadaha, Aqoonyahano, Siyaasiyiin, Haween iyo Bulshada qeybaheeda kala duwan.

Cabdikariim Xuseen Guuleed ayaa sheegay in falalka argagixiso ee noocan ahi aysan hakin doonin geedi socodka nabadda iyo dib u dhiska dalka, waxuuna sheegay in weerarada ceykan oo kale ah ee lagu bartilmaameedsanayo dadka rayidka ah ee aan waxba galabsan ay soo gaabinayaan cimriga kooxaha nabad-diidka ah ee gumaadka ku haya dadka Soomaaliyeed.

Madaxweynaha Galmudug ayaa Tacsi u diray dhamaan dadkii ku geeriyooday weerarkaasi waxuuna si gaar ah ugu Tacsiyeeyay Qoyskii, Qaraabadii iyo Barlamaanka Galmudug oo uu weerarkaasi ugu geeriyooday Xildhibaan Bille Maxamuud Diiriye oo kamid ahaa Xildhibaanada ugu firfircoon ee Barlamaanka dowlad goboleedka Galmudug

Ugu dambeyntii, Madaxweyne Cabdikariim Xuseen Guuleed ayaa bogaadiyey sidii degdegga ahayd ee Ciidammada Ammaanka uga jawaabeen weerarkaasi fuleynimada ah ee Al Shabaab, isagoo sheegay in argagixisada uu waqtigooda sii dhammaanayo, jabka ay kala kulmeen ciidanka dowladda awgeedna ay u beegsanayaan rayidka

Related posts

Dhagayso:- Madaxweyne Gaas ” Anaga Kismaayo Waxaan Geynay Aragtida shacabka ee 4.5

Tifaftiraha K24

Madaxweynaha Jabuuti oo ka hadley dhibaatoyinka lagu hayo Somaalidda Nairobi, Sheegeyna…..

admin

War Hada Soo Dhacay: Ciidamada Puntland oo Sheegtay in ay Gudaha u galeen togga Suuj ee u dhexeeya degmada Bandar Bayla iyo EYL oo Shabaabka ay Dhufees ka Dhigteen

admin