Somali News Top News Xulashada K24

DegDeg:- Mareykanka oo Sheegay inuu Duqeyn ku dilay Saraakiil ka tirsan Alshabaab

War ka soo baxay Taliska Mareykanka ee Afrika ee fadhigiisu yahay Dalka Jabuuti ayaa lagu sheegay in saddex xubnood oo ka mid ah Al-shabab ay diyaaradaha aan duuliyaha lahayn ee Mareykanka ku dileen Degmada Jilib ee Gobolka Jubada dhexe.

Warku waxaa uu intaas ku daray in mid ka mid ah diyaaradahooda aan duuliyaha lahayn ay duqeysay xero Ciidan oo ay ku tababaranayeen Al-shabaab islamarkaana ay halkaas ku dileen saddex dagaalyahayn.

Mareykanka waxaa uu intaas ku daray in ay sii wadayaan howlgallada isku xiran ee ay wadajirka u fulinayaan Ciidamada Dowladda Soomaaliya,AMISOM iyo Ciidamada Mareykanka ee dagalka ka wada Al-shabaab.

“Waxaan sii wadeynaa dagaalka ka dhanka ah Al-shabab,waxaan ku beegsaneynaa goobaha nabdoon ee ay qaraxyada ka soo abaabulaan,waxaan la kaashaneynaa saaxibadeenna AMISOM iyo Ciidanka Xoogga Dalka Soomaaliya”,ayaa lagu yiri War-saxaafadeedka AFRICOM ka soo baxay.

Isla maalinta uu weerarkaas dhacay Al-shabaab waxaa ay sheegtay in Askari Mareykanka ah ay ku dishay inta u dhaxeysa Tuulooyinka Yoontooy iyo Buulo Guduud oo duleedka Kismaayo ku yaalla,Mareykanka ayaana beeniyay sheegashada Al-shabaab,waxaaan uu xusay in uusan jirin xitaa askari ka dhaawacmay.

Related posts

XASAASI: Maxaadan Ogeyn Oo Magaladda Muqdisho Laga Fuliyey??/ (War Ayaan Idinkaga Wadnaa)

Tifaftiraha K24

Warbixin+Sawirro: Akhriso Qodobbo Muhim ah oo kasoo baxay Shirkii Golaha Xukuumadda Dawladda Puntland

Tifaftiraha K24

TOP NEWS: Dhageyso Guddoomiyaha Bangiga Dhexe oo looga Yeeray in uu deg deg u yimaado Xarunta…..

Tifaftiraha K24