DEG DEG: Shirkii Madaxda Maamul Goboleedyada oo Qarka u saaran in lagu kala tago( MAXAA SOO KORDHAY?)

0

War goordhaw aan ka helnay Ilo xog ogaal ah oo ku sugan Magaalada Kismaayo ayaa waxaa uu sheegaya in dib u dhac uu ku yimid shirkii ay maanta kismaayo ku yeelan lahaayeen madaxda maamul goboleedyada.

Shirka oo lagu waday in galabta casir kadib uu furmo ayaa la shaaciyay in uu dib u dhac ku yimid lamana oga xiliga uu si rasmi ah u furmaayo.

Wararka qaar ayaa sheegaya in dib u dhaca shirka ku yimid ay ka dambeysay markii kulan xasaasi ah ay yeesheen Danjraha qaramada Midoobay ee Soomalia iyo Madaxda Maamul goboleedyada waxaana danjire Keating uu madaxda ka dalbaday in shirka la baajiyo sidaas ayuuna ku baaqday.

Wada hadallo aan kala go’ laheyn ayaa hadda ka socda Madaxtooyada kismaayo kaasi oo si goon gooni ah ay isugu arkayan madaxda maamul goboleedyada iyo danjire keating oo qudhiisa si gooni gooni ah ula kulmaya madaxda maamul goboleedyada.

Waxaa suurta gal ah in shirka uu baaqdo iyadoo waxkasto ay is beddeli karaan waxaana arrimaha ugu muhiimsan ee shirka loo baajiyay ay tahay maadama keating uu ka codsaday madaxda maamul goboleedyada in wixii khilaaf ah oo jira lagu dhameeyo wada hadal balse aan loo baahneyn shir aan hadhow la mahdin doonin cawaaqib xumada ka dhalan karta.