DEG DEG:- Qarax Gaari Oo Ka Dhacay Muqdisho.

0

Qarax gaari ayaa waxa uu ka dhacay qeybo ka mid ah degmada shibis ee gobolka Banaadir,waxana qaraxaas aad looga maqlay xaafadaha degmadaas.

Qaraxaas ayaa waxa uu ka dhacay agagaarka Xaaafda Maana Booliyo,waxana la sheegay in gaarigiisa loogu xiray Nin Magaciisa lagu sheegay Cabdala Axmed Cabdala “Shiikh Nuur Codey”.

Dadka deegaanka ayaa waxa ay Dalsan u shegeen in Ninka gaariga qaraxa loogu xiray uu isla goobta ku dhintay,isla markaana uu ka mid ahaa Jaaliyadda Yaman ee ku sugan Degmada Shibis balse aan la ogeyn sababta qaraxa gaariga logu xiray,waxana ku dhaawacmay qaraxaas Haweeney ka mid aheyd dadka degan degmada Shibis.

Saraakiil ka tirsan laamaha amniga Soomaaliya ayaa sidoo kale waxa ay sheegen in Meydka haatan la geeyey Xarunta Hay’adda dambi-baarista ee CID-da,waxana goobta qaraxa uu ka dhacay gaaray ciidamo ka tirsan kuwa dowladda Soomaaliya kuwaas oo howlgal baaritaano ah ka sameeyey.

Wixii ku soo kordha Halkaan kala Soco: