DEG DEG:-Kulankii Xildhibaanada iyo Guddiga Joogta ah ee Baarlamaanka Oo Fowdo Iyo Buuq Hareeyay

0

Xarunta Villa Hargeysa ayaa waxaa ka socday kulan warbixino ku saabsan mooshinkii Gudoomiyaha Golaha Shacabka  laga gudbiyay  looga dhegysanayay  Gudiga joogtada Golaha Shacabka Soomaaliya.

Tiro xildhibaano ah iyo xubno ka socday guddiga joogtada Golaha Shacabka ayaa halkaasi ka jeediyay warbixino ku saabsan mooshinkii laga keenay gudoomiye Jawaari,iyaga oo qaarkood sheegay in uu jabay mooshinkii laga keenay Gudoomiyaha Golaha Shacabka Maxamed Sheekh Cusmaan Jawaari.

Intii warbixinada la dhageysanayay ayaa xili uu hadlayay Xildhibaan Zakariye Xaaji Maxamuud Cabdi ayaa waxaa goobta soo galay Shaqsi doodaya,iyada intaasi wixii ka dambeeyey uu kulankii isku bedelay buuq iyo sawaxan mudo daqiiqado ahna ay hakad galeen hadaladii xildhibaanada.

Kulanka ayaa hatan weli ka socda Xarunta Villa Hargeysa,waxana la sugayaa waxa ay soo saaraan Xildhibaanada iyo guddiga joogtada Golaha Shacabka.