Dawladda Eritrea Oo Sanado dheer ka dib Wada Xaajood la fureysa Itoobiya.

0
Eritrea flag with Ethiopia flag, 3D rendering

Dowladda Eritrea ayaa ergo u diraysa dalka ay dariska yihiin ee Itoobiya si ay u billaabaan wadahadalladii lagu dhaqan galin lahaa heshiiskii nabadda ee soo afjaray colaaddii xadka ee labada dal dhexmartay.

Bishan horraanteedii ayuu xisbiga wadaaga ah ee Talada Itoobiya haya sheegay in uu si buuxda u aqbalayo go’aamadii ka soo baxay guddigii xadaynta ee 2002dii, kaas oo ahaa in Eritrea ay leedahay dhulka lagu muransan yahay.

Tobannaan kun oo ruux ayaa ku nafwaayay dagaalkii dhacay intii u dhaxaysay 1998dii ilaa 2000.

Eritrea ayaa Itoobiya ka xorawday 1993dii ka dib afti la qaaday.

Labada Dawladdood waxaa ka dhaxeeya colaad fog oo kala geysay kumanaan qof oo markii hore ehello ahaa, sidoo kale waxaa ku naf waayay kumanaan qof oo walaalo ahaa markii hore.

colaada dhexmartay labadaan wadan waxaa lagu tiriyaa tii ugu xumeed ee soomartay dunida gaar ahaan Africa.

Imika waxaa ay u muuqataa in la joogo xiligii wada hadalka iyo nabadda la qaadan lahaa sida uu horaatii doorashadiisa ku dhawaaqay ra’iisul wasaaraha cusub ee itoobiya.