Animation

Daawo: Sida uu u Dhacay Weerar lagu qaaday Goob lagu Dukaameysto oo ku taala Magaalo ka tirsan Gobolka…..

no responses
Saturday September 24, 2016 - 5:26 under Somali News by Tifaftiraha K24
mqdefault

Afar ruux ayaa lagu dilay weerar toogasho ah oo ka dhacay goob laga dukaameysto oo ku taal Burlington oo ka tirsan Gobolka Washington, sida ay xaqiijiyeen Booliska.

Weerarkaan ayaa waxaa fuliyay nin hubaysan oo dilay afarta ruux, Booliskana weli gacanta kuma aysan dhigin ninkaasi hubaysan ee toogashada geystay.

Goobta weerarka uu ka dhacay ayaa lagu magacaabaa Cascade Mall, waa goob ganacsi oo dadka ay si weyn uga dukaameystaan.

Xilliga weerarka uu dhacaayay ayaa waxaa ku jiray dad Dukaameysanaayay.

Ninka falka toogashada ah geystay ayaa la aaminsan yahay inuu isku dhexdaray dadkii ka soo yaacay xarunta ganacsiga, waxaana goobta dhan buux dhaafiyay ciidamada Booliska oo baaritaano wada.

Booliska ayaa durba faafiyay sawirka ninka falka weerarka geystay, kaasi oo laga dhex helay Kaamiradii ku xirnayd Xarunta weerarka uu ka dhacay ee Cascade Mall.

Dad dhaawac uu ka soo gaaray weerarkaasi ayaa loo qaaday goobaha caafimaadka, halkaasi oo lagu daaweynaayo.

_91365838_77cd4686-bf6c-43c3-bd06-c85f95de1f7c _91365839_8015f911-c621-42af-8fa5-3fde12d0a224 _91365840_34dd7e45-67c4-48be-ae2a-6c4690d7cb90