Animation

Daawo Sawirrada: Duqa Muqdisho oo Ka Farxiyay Muwaadin Soomaliyeed oo ku Nool Magaalada Muqdisho… Tollow Muxuu u sameeyay???

one response
Sunday November 20, 2016 - 2:34 under Somali News by Tifaftiraha K24
mqdefault

Muwaadin Axmed Abuukar Axmed oo Mudo ka badan 20 sano  si sharci darro ah looga haystay gurigiisa oo ku yaalla degmada Shibis ee Gobalka Banaadir ayaa waxaa maanta furaha gurigiisa ku wareejiyay Guddoomiyaha Gobalka Banaadir ahna Duqa magaalada Muqdisho kadib markii ciidamada Booliiska ay ka saareen dadkii sharci darrada ku dagnaa.

Guddoomiyaha Degmada Shibis Axmed Muumin Maxamed  ayaa warbaahinta Qaranka Soomaaliyeed u sheegay in digniino loo jeediyay  dadka sharcidarrada ku dagnaa gurigaasi, hasa ahaate ay ka madax adeygeen sidaas darteedna ay Ciidamada Ammaanka xoog uga saareen.

Axmed Abuukar Axmed oo ah muwaadinkii gurigiisa lagu wareejiyay ayaa u mahad celiyay Maamulka Gobalka Banaadir iyo ciidanka Boliiska qeybta Gobalka  “aad ayaan ugu faraxsa nahay in maanta gurigeyga la igu wareejiyo waxaana u mahad celinaaya Maamulka Gobalka Banaadir Ciidamada Booliiska” ayuu yiri.

Taliyaha Qeybta Guud Gobalka Banaadir ee Ciidanka Boliiska Soomaliyeed G/Sare Bishaar Abshir Geedi ayaa dhankiisa tilmaamay ciidamada Booliska ineysan eegan doonin dulmiga loo geysanayo dadka maatida ah.

“Waa laga gudbay xiligii maatada la dulmin jiray ama la is xoogi jiray qof kasta sharciga ayaa ka weyn, marka ma socon doono iyadoo dowlad ay jirto in wax xoog lagu haysto” ayuu yiri G/sare Bishaar.

Ugu dambeyn Guddoomiyaha Gobalka Banaadir ahna Duqa Magaalada Muqdisho Md. Yuusuf Xuseen Jimcaale “Madaale” ayaa sheegay in cid kasta oo dhul sharci darro ah degan  si deg deg ah looga bixin doono islamarkaana lagu wareejin doono muwaadinki xaqa u lahaay,,cod

“Ma dhici doonto in qof muwaadin soomaliyed ah gurigiisa xoog lagu daga naado arintaasi waa soo gaba gabootay cidkaste cadaaladda ayaa ka wey,n maantana sida aan muwaadinkan gurigiisa ugu wareejineyno ayaa muwaadin kasta waxiisa u helaaya”.

Maamulka gobolka Banaadir oo kaashanaya Ciidanka Ammaanka ayaa horey dad si sharci darro ah looga haystay gurayahooda ugu wareejiyey.

15055668_1792059491032802_3150844985325356689_n-640x427 15078526_1792059544366130_6850532522034917054_n-681x454 15078940_1792059677699450_3968356117318364830_n 15094345_1792059184366166_6159852855785514393_n-630x420 15135953_1792059414366143_5996573758975869925_n-681x454