Daawo: Rag loo heysto Farsameynta Qaraxyada oo Maanta la soo taagay Maxkamadda Ciidamada Qalabka Sida

0

Maxkamadda Ciidamada Qalabka sida ayaa saakay u fariisata dhageysiga Dacwad loo heysto Rag lagu eedeeyay Farsameynta Qaraxyada.

Seddexda Eedeysane ee dacwadda loo heysto ayaa kala ah ,Maxammed Cabdiraxmaan Maxmuud,Jamaal Maxammed Cali Cabdi iyo Axmed Aadan weerar Dhagaxow waxaana Xafiiska Xeer-ilaalinta uu guddoonka sare ee Maxkamadda u gudbiyay Dawcadda Eedeysanayaashaan.

Gudoomiyaha Maxkamadda Darajadda 1-aad ee Ciidamada Qalabka Sida G/sare Xasan Cali Nuur Shuute ayaa ka dalbaday xafiiska xeer ilaalinta in eey kaanaan baarihii kiiskan, si su’aalo loo weydiiyo, waxaana sidoo kale eey fursad u heleen qareenada in ay su’aalo weydiiyaan baaraha kiiskan.

Xafiiska xeer ilaalinta ayaa sidoo kale soo bandhigay sawirro laga soo qaaday agab lagu farsameyn jiray qaraxyada oo lala soo qabtay sedaxda eedeysane iyagoo sheegay in eeysan hor keeni Karin garsoorka maadaama aanu aqoon badan u laheyn balse eey hayaan agabkaas ciidamada amniga gaar ah kuwa u aqaabilsan arrimahaasi, waxanaa garsoorka ciidamada qalabka sida ka codsadeen in loo ogolaado in la soo gaba-gabeeyo kiiskan oo eey sheegeen in eey ku filantahay cadeymaha loo heysto

Dhanka kale qareenada difaacayay eedeysanayaasha ayaa  Maxkamadda weydiistay in loo naxariisto eedeysanayaasha oo lagu xukumo sanado iyagoo oo adeegsanayo qodobo, ku waasi oo kamid tahay in cadeymaha eeysan dhameystirneen.

Raggaan loo heysto farsameyn qaraxyada ayaa ciidamada ammaanka dhawaan ka soo qabteen gobolka Shabeellaha Hoose gaar ahaan degaanka Ceelasha-Biyaha.