Somali News

Ciidamada Xooga dalka oo kooxda Ahlu Sunna kala wareegay Baraha lacagaha looga qaado Gaadiidka ee.

Ciidamada Militariga dowladda ayaa la wareegay baraha lacagaha lagu qaado ee magaalada Dhuusmareeb sida ay sheegayaan warar laga helayo caasimadda Dowlad Goboleedka Galmudug.

Ilo wareedyo lagu kalsosonaan karo ayaa shaaca ka qaaday in Ciidamada Militariga ay gabi ahaan la wareegeen barahii ay ciidamada taabacsan Maamulka Ahlu Sunna lacagaha ku qaadi jireen ee ku yaalla xarunta Galmudug.

Ciidamadii halkaas lacagaha ku qaadi jiray ayaa isaga baxay goobaha ka hor inta aysan ciidamada Militariga imaan, waxaana la fahamsan yahay in goobahaas ay lacago uga soo xaroon jireen maamulka Ahlu Sunna.

Golaha Wasiirada Galmudug ayaa go’aamiyay la wareegista ilaha dhaqaalaha kulankoodii isbuucaan ay ku yeesheen magaalada Dhuusamareeb ee xarunta Gobolka Galgaduud.

Madaxweynaha dowlad Goboleedka Galmudug Axmed Cabdi Kaariye Qoor-Qoor oo shalay shir gudoomiyay kulankii golaha wasiirada, waxa ay ku ansixiyeen miisaaniyadda maamulka ee 2020, taasoo lagu sheegay 17,230,054.00 (Todobo iyo toban milyan, laba boqol iyo soddan kun, iyo konton iyo afar doolar).

Miisaaniyaddaan ay meerl mariyeen golaha wasiirada Galmudug waxa ay labo-laab ka badan tahay miisaaniyadii 2018 oo aheyd kaliya $8,000,000 (Sideed Malyan oo Dollar).

Related posts

Akhriso: Guddiga Baaritaanka ku Sameynaayay Dilkii Cadaado loogu geestay Mid kamid ah Ergada oo soo Bandhigay Muuqal iyo Warqad Cadeyn ah

Tifaftiraha K24

XOG: Maxaad kala Socotaa Meydadka Askar Badan oo Itoobiyaan ah oo Manta la geeyay Magaalada Beledweyne

Tifaftiraha K24

Dhageyso: Koonfur Galbeed” Xaasaska ay qabaan Alshabaab oo lagu Amray in ay is diiwaan galiyan toloow Xagee loo wadaa Akhri….

admin