Category Archives: Kaydka Wararka Xulka ah

Golaha wasiirada Galmudug oo shir muhiim ah yeeshay iyo Madaxweyne kuxigeenka oo….

Shir‬ aan caadi ahayn oo ay iskugu yimaadeen Golaha wasiirada ee Galmudug oo u godominayay madaxwayne Ku xigeenka Dowlad Gobleedka ka Galmudug Mudane ‪‎Mahamed Hashi Abdi‬ oo ka qabsoomay xarunta madaxtooyada Galmudug ayaa waxaa looga hadlayay wax qabadkii xukuumada iyo hormarinta guud ee degaanada Galmudug.

Shirkaan ayaa qaar ka mid ah wasaaradaha Galmudug ay ku soo bandhigeen waxqabadkoodi 2015 ki  ayago sido kale so bandhigeen waxqabadka ay damacsan yihiin 2016 ka.

Madaxweyne kuxigeenka Galmudug Mudane Maxamed Xaashi Cabdi ayaa  Golaha wasiirada Galmudug kula dardaarmay in ay laba jibaaran shaqada ay u hayaan shacabka galmudug oo ayagu adegyo kala duwan ka sugaya dowlada Galmudug.

Shirka  Golaha wasiirada ayaa waxaa sido kale lagu soo hadal qaday furitaanka kala fadhigii labaad ee Barlamanka Galmudug oo uu maalmo ka hor furay Madaxweyne kuxigeenka Galmudug maxamed Xaashi Cabdi.

Tan iyo intii la magacaabay  Golaha wasiirada Galmudug  oo hada laga joogo wax ka yar 6 bilood ayaa waxay ku tilabsadeen hormar balaaran marka laga eego mashaaricda ay ku soo kordhiyeen  guud ahaan Galmudug,

12510479_978713665498650_8498410899577966885_n 12512716_978713532165330_863898861743602981_n 12540610_978713885498628_562283383821348949_n 12552791_978713475498669_2443355651214633762_n 1914916_978713592165324_6032285037762788882_n 12509077_978713755498641_5871615468731501637_n 12510432_978714092165274_6672689008026831129_ng g1w g33

TOP: Buug Cusub oo ka Hadlaya Taariikhda Hogaanka iyo Haldoorka SADE oo dhawaan lagu soo bandhigi Doono Muqdisho.

Buug ka hadlaya Taariikhda Haldoorka iyo Hogaankii Sade ee Qarniyadii tagay oo uu qoray qoraa Cali Sheekh Aadan Yuusuf Cigaal “Cali Soomaai” isla mar ahaantaane uu dhameytiray qoritaankiisa ayaa waxaa dhawaan lagu wadaa in la soo bandhigo.

Buugga oo qoristiisa ay socotay labadii sano ee lasoo dhaafay ayaa laga heli doonaa xogo badan oo ka daahsoon in badan oo soomaaliyeed,kuwaas oo ku saabsan taariikhda Haldoorka Sade ee qarniyadii 16-aad ilaa qarnigii 20-aad.

dhawaan ayaa la filayaa in lagu soo bandhigo Buugga munaasabad ka dhcii doonta Muqdisho, taas oo ay kasoo qeybgali doonaan Masuuiyiin kala duwan oo isugu jira qoraayo, Suugaanyahanno, taariikh uruuriyaal iyo Abwaano Soomaaliyeed.

Ma hana markii Koowaad ee uu qoray Buug ka hadlaya Tariikhda Haldoorada, horay wuxuu u qoray Buugaag Caynkani oo kale ah kuwaas oo hadda laga heli karo Madbacadaha kala Duwan ee Soomaaliya.

Hoos waxaan idiin kugu soo gudbin doonaa Safxada hore ee Buuga iyo Cinwanka Bugaba oo uu qoray Qoraa Cali Soomaali

kala Xiriir Qoraa Cali Somali

Email: calisomali400@gmail.com

 

عرف الريحان في تراجم أعلام آل مريحان

 

cali (1)

Kismaayo News Agency Person of The Year oo lagu dhawaaqay yaase ku gulaystay.

  • Sida caadada Inoo aheydba waxaan soo daabacnaa hadaanu nahay bahda Kismaayo News Agency shakhsiga sanadka markaa dhamaaday aan ka dhex xulano hay’adaha Dowladda si gaar ah xubnaha Golaha fulinta ee markaa shaqeeya.Sanadkii hore Kismaayo News Agency waxay shakhsigii 2014ka u aqoonsatay xildhibaan mustadhafe Sheekh Cali dhuxulow oo markaa ahaa wasiirkii wasaarada warfaafinta xukumaadii RW Cabdiwali Sheekh Axmed,isagoo ku muteystay waxqabad, karti, hufnaan Iyo daljaceyl.

    received_10201644730316463u
    Sanadka caawa bishay ee 2016 bahda Kismaayo News Agency oo ay wehliyaan hawl-wadeenada Iyo Maamulka Radio Voice of Somalia (VOS) Ayaa iyagoo Isku duuban waxay shakhsiga sanadka dhamaaday ee 2015 u aqoonsadeen Rai’sal Wasaare Kuxigeenka Dalka Mudane Maxamed cumar carte oo aan aaminsanahay Inuu ku muteystay abaalmarinta sanadka dhamaaday qodobada soo socda.

    1, Mudane Maxamed cumar waa hawl-kar si qoto dheer oo hufnaani ku dheehantahay u gutay waajibaadkiisa shaqo sanadka uu yahay Rai’sal Wasaare Kuxigeenka Dalka.

    2, Mudane carte wuxuu ahaa shakhsigii kala waday guud ahaan shaqooyinkii kala duwanaa ee ka socday Xafiiska Rai’sal Wasaare Sharmaake.

    3, wuxu marki ugu horaysay furay xafiis u gaar ah Raisalwasaare  kuxigeenka Somalia kaas oo ay ka howlgalan shaqaale badan  shaqo badana ay ka socoto waxana uu qayb weyn uga yaala Villa Hargaysa.

    4, wuxuu sidaas si lamid ah Gudaha Dalka shir Guud oo ay ku mideysanyihiin beelaha Waqooyi uu ka furay Muqdisho, shirkaasi oo ay kasoo qeyb galeen ku dhawaad 500 oo ergo ah oo kasoo jeeda Waqooyiga Soomaaliya.

    5 , Maxamed cumar carte sida in badan oo in kamid ah ay lasocdaan wuxuu naftiisa u huray u adeegida shacabkan qaranjabku uu ku dhacay, isagoo naftiisa ay halis gashay heer uu ku dhaawacmay weerar lagu qaaday mid kamid ah hotelada Muqdisho oo uu daganaa.

    6, wuxuu fariisiyay siyaasadda xukuumada isagoo shaqada loo xilsaaray Marka laga soo tago gacanta ku hayay shaqadii Rai’sal Wasaaraha taasine waxa ay Sababtay in Golaha wasiirada uu Noqdo shaqsiga kaliya ee ay ka qaataan fasax hadii ay shaqo aadayaan, sidoo kale wuxuu ahaa qof ka kaliya ee ay natiijada shaqooyinka ay qabtaan ay kula soo laabtaan, arintaasi La sheego iney keentay biseylka uu muujiyey Mudane carte

    7, wuxuu Dalka dibadiisa kaga qeyb galay kulamo caalami ah oo Soomaaliya guulo muhiim ah oo ka taaban karo ay kasoo hoyisay,

    8, shaqsiyada wanaagsan ee Maxamed cumar carte waxaa kamid ah in xafiiskiisa ay ka hawl galaan shaqaale badan oo Soomaaliyeed oo kala Gobol ah, kuwaas oo la Oran karo waa ku yaryihiin amba kuma jiraan shakhsiyaad ay Isku hayb yihiin halka xafiisyada kale laga helo shaqaale ku hayb ah Masuulka markaa xafiiskaas Madaxda u ah.

    9, dhaqankiisa kamid ma ahan in dadka uu ku qaabilo waji aqood AMA macriifo Waana shakhsi ay u siman yihiin Bulshada sida siyaasiyiinta xilalka haya, aqoonyahanada, Dhalinyarada, haweenka Iyo odey dhaqameedyada.

    10, ugu danbeyn carte Ayaa abaalmarintaan ku muteystay xiriirka wada shaqeeyneed ee uu lalahaa mudadii uu Xilka hayay bahda Kismaayo News Agency Iyo Radio VOS kuwaas oo uusan ka daalin wada Shaqeyn toos ah oo uu lalahaa.

    Qalin Iyo qoraal kaliya Laguma soo koobi karo sababaha uu Mudane carte ku muteystay abaalmarinta sanad Lahaa ah ee ay bixiyaan Warbaahinada kismaayo24 Iyo radio VOS oo Isku lamaanan.

    Waxaa naga xasuusin ah in mudanaha aan maalmaha soo socda gudoon sii doono shahaado sharafta AMA abaalmarinteena sanad Lahaa ah ee aan ku bixino xulasho Iyo hawlqabadka Masuulka markaa aan abaalmarinta gudoonsiineyno.

    Bahda Kismaayo News Agency waxay akhristayaashooda ugu hambalyeynayaan sanadka cusub ee caawa bishay waxaana leenahay nabad Iyo barwaaqo Allaha Nagu gaarsiiyo kiisa kale alahan na garsiyo Soomaaliya oo nabad ah dowladnimo muuqatane ay kahana qaaday.

Dhagayso:- Waraysi Maamulka Bakool sare ” May iyo Maxaa Tiri weye somaligu Anaguna Maxa Tiri ayaan nahay wana kabaxnay shariif” k24 Waraysi

Xildhibaan Axmed Haadi Aadaan Gudoomiye ku xigeenka Arimaha Gudaha Barlamaanka Faderaalka somalia oo kamid ahaa Masuulinti ka qayb qaatay dhimaha Maamulka Bakool sare ee lagu doortay Ceelbarde oo Waraysi sinayeey Caawa kismaayo24 ayaa ka hadlay dhamaystirka Maamulkaas.

Xildhibaanka ayaa sheegay in Dhawaan lasoo dhisi doono Xildhibaanada iyo Golaha Wasiirada maamulka Bakool sare ,balse wuxuu sheegay in ay ka horeyso Caleema saarka Madaxweynaha iyo ku xigeenkiisa isla markaana ay kasoo qayb gali doonan Puntland iyo jubbaland iyo Xubno katirsan Dowlada Faderaalka.

Wuxuu sheegay in Maamulkoodo uu yahay mid Faderaal ah isla markaana uu yahay mid wado saxan oo wanaagsan loo maray isla markaana Mamulka Koonfur galbeed ee uu madaxweynaha kayahay shariif axmed ay ka heli waayen saamigii ay ku lahayeen.

Xildhibaankan ayaa sheegay in Maamulka Bakool sare madaxdooda ay tagi donaan Degaanada Puntland,sida Bosaaso Garowe iyo Gaalkcyo,waxana tilmaamen in Puntland uga mahadcelinayaan sida ay u tageeran Maamulka Cusub ee Bakool sare.

Hoos kadhagayso Maxamed Laki Man ayuu u waramay

Dhagayso:- Afhayeenka Gobalka Gedo Nuur Sayax Xareed o Waraysi Xasaasi ah siyeey k24 + Xaalada Gobalka Gedo

Afhayeenka Gobalka Gedo Nuur Sayax Xareed oo Waraysi siinayeey Warbaahinta kismaayo24 ayaa kawarbixiyeey kormeero ay ku sameyeen Gobalka Gedo degmooyin katirsan ,taas oo ay ugu kuur galayeen xaalada Gobalka iyo isku xirka degmooyinka.

Nuur Sayax Xareed ayaa sheegay inay Booqdeen Degmooyinka Doolow Ceelwaaq iyo meelo kala oo katirsan Gobalka Gedo,waxaana uu sheegay in degmada Doolow ee Gobalka gedo ay kula kulmeed odayasha dhaqanka siyaasinta iyo dhalinyarada iyagoo kala hadlay Hormarka degmooyinka Gobalka Gedo.

Wuxuuna sheegay in Maamulka Jubbaland uu ka gaabiyeey kashaqaynta is dhex galka dadka kunool degmooyinka Gobalka Gedo,waxaa kale oo uu ka hadlay shaqaaqoyin kadhacay Degmada Doolow ee dhinaca qabiilada ah iyo beelo is fahan waa soo kala dhex galay.

Hoos kadhagayso Waraysiga uu siyeey k24

Daawo: Tartan siyaasadeed loo qabtay Siyaasiyiin waaweyn oo uu ku guuleystay RW Farmajo.

Tartan siyaasadeed ay qabatay mid kamid ah idaacadaha moqdisho loona qabta siyaasiyiin magac kuleh Somalia kana mid yihiin MD Xasan. Rw CC Sharmake, Rw Farmajo, iyo  MD Sharif. Ayaa waxaa kuguleystay codkii shacabkii kaqeyb galay EX RW farmaajo.

Daawo Muqaalka.

Daawo Raisalwasaare xigenka Somalia Dr.Maxamed Carte oo waraysi xasaasi ah bixiyay

a

Daawo RW kuxigeenka Somalia oo shir caalami ah uga qayb galaya Magaalada Geneva

Geneva:- Ra’isul Wasaare Ku-xigeenka Dowlada Federaalka ee Soomaaliya Dr. Maxamed Cumar Carte iyo Wafdi la socdo oo ay ka mid yihiin La Taliyaha Xafiiska Ra’isul Wasaaraha Soomaaliya Xasan Cabdi Yuusuf iyo Jacfar Abukar Mohamed oo ka tirsan Xafiiska Ra’isul wasaaraha oo socdaal howleed ku joogo dalka Switzerland ayaa Magaalada Geneva waxa kaga qeyb galay shirweyne loogu hadlayay sidii loo xoojin lahaa Yabooha ama Deeqaha la siiyo Dowladaha u baahan taageerada beesha Caalamka oo ay Soomaaliya ku jirto .

Ra’isul Wasaare ku-xigeenka ayaa shirka ku soo bandhigay sidii Soomaaliya loo garab istaagi lahaa isagoo beesha Caalamka u sheegay in laga taageero Soomaaliya sidii gacan loogu isla markaana gurmad deg deg ah loo fidiyo dadkii ku waxyeeloobay daadadka ku dhuftay gobolka ka tirsan Soomaaliya.

Sidoo kale Ra’isul Wasaare ku-xigeenka Soomaaliya ayaa magaalada Bern ee Caasimada Switzerland waxa uu maalintii shalay eheed kula kulmay Madaxda ka tirsan Wasaarada Arimaha Dibada ee Switzerland .

Kulanka dhexmaray ra’isul wasaare ku-xigeenka Soomaaliya iyo Madaxda Wasaarada arimaha dibada ee Switzerland waxaa loogu hadlay arimo dhowr ah oo uu ugu muhiimsanaa xiriirka labada dalka iyo sidii loo xoojin lahaa kaalmada la siiyo dowlada Soomaaliya.

Mr. Maxamed Cumar Carte Qaalib ayaa shalay waxa uu kulan gar ah oo looga hadlayo sidii Dowlada Soomaaliya looga gacansiin lahaa baahinta nidaamka Federaalka uu la yeeshay Madaxda 26-ka Gobol ama (Canton)-uu ka koobanyahay Switzerland, kaasi oo uu ka soo baxay natiijooyin wax wax weyn u tarayo shacabka Soomaaliyeed.

Ugu Danbeyntii Ra’iusl Wasaare ku.xigeenka ayaa xalay waxa uu Magaalada Bern kulan kula yeeshay Jaaliyada Soomaaliyeed ee Switzerland.

Kulankan ayaa ahaa mid casho sharaf ah oo ay Jaaliyadu u sameysay Wafdiga Ra’isul wasaare ku-xigeenka , waxaana ka soo qeyb galay qaar ka tirsan Mas’uuliyiinta dowlada sida Danjiraha Soomaaliya ee Switzerland Drs. Faaduma Cabdilaahi Insaaniye, Xeer-ilaaliye Ku-xigeenka Soomaaliya Dr. Axmed Cali , La Taliyaha Xafiiska Ra’isul Wasaaraha Soomaaliya Xasan Cabdi Yuusuf iyo Jacfar Abukar Mohamed oo ka tirsan Xafiiska Ra’isul wasaaraha.

Si kastaba ha ahaate Wafdiga Ra’iusl wasaare ku- xigeenka Xukuumada Soomaaliya ayaa la filayaa in maalinta berito ee jimcaha ah ay ka ambabaxaan dalkan Swtzerland.

 
dff03abd75caf44c20aedd67c4e0a5478e188dd845e542b9db48b37d174f8457fb99591ca3ba729bc18784466ca8460ee1bbdf293587938b60491f19c854e3a6aac7b15f32909abeaa0e86a6b7a7dca1c95e31ed9fcb8509c13d0ecac82a06fbac869d1c5a5e3bcbf141ef668e63afd7af4dc28c3a88f4e7b42fccaa442ba7c5IMG_4102IMG_4099

IMG_3739IMG_3742IMG_3744IMG_3746IMG_3759IMG_3784IMG_3785IMG_3787IMG_3795IMG_3798IMG_3801IMG_3803IMG_3804IMG_3810IMG_3811IMG_3814IMG_3830IMG_3869IMG_3873IMG_3891IMG_3894IMG_4100IMG_4116IMG_4120IMG_4121IMG_3708IMG_3717IMG_3733

Top News: Soomaaliya waxay leedahay Wasaarad Arimo Dibadeed Lakiin Malahan Wasiir Arimo Dibadeed. Waxaa sidaasi Yiri ……..

Iyadoo Muddo sanad ah ay ku dhawdahay inta ay Shaqeynayaan Golaha wasiirada xukuumada Federaalka Ayaa durba waxaa soo baxayay Wasiiro aanan waxba ka Qaban shaqooyinkii loo igamaday kuwaas oo uu ugu Horeeyo Wasiirka Arimaha Dibadda ee Soomaaliya cabdi salaam hadliye cumar.

Hadliye oo horay Gudoomiye uga soo noqday bangigii Dhexe ee Soomaaliya musuq baahsan oo uu ku kacay Laguna soo eedeeyey darteedna Xilka looga qaaday Ayaa fajiciso Iyo Layaab ay ku noqotey Shacabka Soomaaliyeed markii loo magacaabay Wasiirka Arimaha Dibadda ee Soomaaliya.

hadliye majirto wax muuqda oo uu ka Qabtay Wasaaradaasi mudadii uu xilkan hayay taas badalkeedane waxaaba jira eedeymo badan oo loo soo jeedinaayo kuwaas oo ay ugu horeyso xiriir xumo uu ka dhex abuuray Dowladaha Caalamka Iyo Dowladda uu Wasiirka ka yahay oo ay ugu horeyso casuumado shirar muhiim ah oo loo soo diray Soomaaliya oo uusan soo gaarsiin madaxdii lacasuumay.

Sidoo kale hadliye ayaan Dowladaha Caalamka Aysan ku qancin qaababka uu shirarka Caalamka dalkiisa ugu matalo sida in uu khudbado aan munaasab aheyn kana tarjumeyn siyaasadda dalkiisa uu ka jeediyo shirkaasi.

Tusaale fudud Shirkii Wadamada Afrika Iyo china ee lagu Qabtay koonfur Afrika wasiir hadliye ma geyn madasha qorshe siyaasadeed cad oo ay shirkaasi uga qeyb galayaan sidoo kale Madaxweynaha Ayaa Kusigtay Inuu ka baaqdo shirkaasi kadib markuu wasaarada Arimaha Dibadda ka waayay qorshaha Iyo ajandaha shirka ay Soomaaliya kaga qeyb galeyso inkastoo markii dambe Madaxweynaha ay diblomaasiyiin Soomaaliyeed talo ku siiyeen Inuu shirkaasi ka qeyb galo bacdamaa ay ka baaqeen in ay xumaato xiriirka china Iyo Soomaaliya.

Muqdisho waxaa ku sugan diblomaasiyiin Iyo safiiro uu albaabada ka xirtay wasiir hadlyiye kuwaas oo wax badan Kusoo kordhin Lahaa siyaasadda Dibadda ee Soomaaliya, taas badalkeedane hadliye Ayaa xilal Aysan aqoon Iyo waaya aragnimo midna ulaheyn u dhiibay dhalinyaro xigtanimo uu wasaarada kukeenay kuwaas oo aan ka Xusi karno Madaxa xiriirka farsamada ee wasaarada oo lagu magacaabo liibaan wasiirkane uu adeer u yahay.

Diblomaasiyiinta Iyo safiirada Muqdisho ku sugan Ayaa ugu baaqay Madaxweynaha Iyo Rai’sal Wasaaraha iney arinkan wax ka qabtaan iyagoo ugu baaqay in ay badalaan hadliye booskiisane lageeyo masuul Soomaaliyeed oo wax ka yaqaano Arimaha diblomaasiyada si bey yiraahdeen uu dib ugu soo laabto xiriirka sii xumaanaya ee ka dhaxeeya Soomaaliya Iyo Caalamka,

Sikastaba siyaasadda Arimaha Dibadda ee Soomaaliya Ayaa cagta saartay dhabicii dib u dhaca hadii Aysan Madaxda Soomaalida arinkaasi si degdeg ah wax uga qabane waxay falanqeeyayaasha Arimaha diblomaasiyada saadaalinayaan in Meesha hadda la joogo meel ka sii xun in lagaari doono iyadoo wanaajinta Iyo waxkaqabashada arinkaasine uu gacanta ugu Jiro Madaxweyne Xasan Sheekh Maxamuud oo isaga awalba keenay wasiir cabdi salaam hadliye

Dhagayso Wasiir Dowlaha Caafimadka Galmudug oo Waraysi u VOA siyay ku sheegay…

Wasiiru dowladaha caafimaadka  Galmudug Ali Dahir Ciid oo wareysi siiyey idaacada VOA isaga oo jooga magaalada The Hague ee dalka Holland ayaa waxaa uu sheegay  daacuun ka dilaacay deegaano ka tirsan Galmudug.

Wasiirka oo shir arrimaha caafimaadka ku saabsan uga qeybgalaya magaalada The Hague ayaa waxaa uu sheegay inay aad uga walaacsan yihiin daacuunka ka dilaacay deegaano hoos yimaada Galmudug, isagoona sheegay inay dad ku dhaw 10 qof ay   u dhinteen cudurkaasi.

“Waxaa cudurka daacuun caloolaha uu ka dilaacay deegaanada kala ah Cabudwaaq, Bandiiradleey iyo Godoon oo kala ah Mudug iyo Galgaduud” ayuu yiri Wasiir Ali Dahir Ciid.

ali

Dhinaca kale waxaa uu VOA u xaqiijiyey inay 70 qof u dhinteen cudurkaasi daacuun caloolaadka, iyaddoo 49 qofna ay yihiin kuwa ay kula tacaalayaan xarumaha caafimaadka ee deegaanada Galmudug.

Dowlada Soomaaliya gaar ahaan wasaarada caafimaadka ayuu sheegay inay gaarsiiyeen fariinta cudurkan kasoo cusboonaaday Galmudug, balse waxaa inaysan wax jawaab ah iyo daaweyn aysan ka helin dowlada Soomaaliya.

“Dowlada Soomaaliya waan gaarsiinay halista caafimaad ee soo cusboonaatay, waxaana ka fileynaa inay wax nala qabto, inkastoo aysan ilaa hadda inoo soo jawaabin” ayuu yiri Ali Dahir Ciid.

Maamul goboleedyada jaarka la ah Galmudug ayuu sheegay inay gaarsiiyeen inay ka feejignaadaan sida uu cudurkaasi ugu fidi karo deegaanadooda, maadaama dadka Soomaaliyeed isku socdaan.

HALKAN KA DHAGEYSO WAREYSIGA WASIIR ALI DAHIR CIID UU SIIYEY VOA: