Amisom meeqa askari ayaa looga dilay weerarkii shalay ka dhacay gobolka shabeellada hoose?

0
Ugandan soldiers, operating under the African Union Mission in Somalia (AMISOM), advanced towards Buurhkaba from their former position in the town of Leego alongside members of the Somali National Army (SNA). The purpose of such an advance is to eventually open up the road from Mogadishu to Baidoa and connect the two citys currently under AMISOM's control. AU UN IST PHOTO / TOBIN JONES.

Wasaaradda Gaashaandhigga Dalka Uganda ayaa ka tacsiyeeysay geerida ka dhalatay weerar xarakada Al-shabaab  shalay ku qaadeen Ciidamo ka tirsan AMISO gaar ahaan kuwa Uganda ee jooga Gobolka Shabeellaha hoose.

Wasaaradda difaaca Uganda war-saxaafadeed ay soo saartay ayaa lagu xaqiijiyay in weerarkaas Ciidamada Uganda ay uga dhinteen 12 Askari 7 kalena uu dhaawac ka soo gaaray.

Meydadka Askarta dhimatay iyo kuwa dhaawaca qaba ayaa loo soo qaaday Isbitaalka heerka 2aad ee Ciidanka AMISOM ku leeyihiin Muqdisho si halkaas dhaawacyada loogu dabiibo.

Afhayeen u hadlay Wasaaradda Gaashaandhigga Uganda oo lagu magacaabo Richard Karemire ayaa isna sheegay in weerarkaas uu ahaa mid gaadmo ah Ciidamadoodana ay is difaaceen.

Waxaa uu intaas ku daray in Ciidamada Uganda ee weerarkaas la kowsaday ay yihiin kuwo ka tirsan Guutada XX AMISOM ee ku sugan Shabeellaha hoose.

Afhayeenka u hadlay Dowladda Uganda ayaa sheegay in Ciidamada Uganda ee AMISOM ka tirsan ay dhinteen iyaga oo difaacaya dhulkeenna hooyo ee Afrika sida uu hadalka u yiri.