Akhriso: Culimada Puntland oo Baaq deg deg ah usoo diray dowladda Federaalka iyo Arimaha Xajka oo….

no responses
Tuesday February 13, 2018 - 4:19 under Somali News by admin
mqdefault
Spread the love

Culimada ku nool deegaanada puntland ayaa soo saaray bayaan ku socda dowladda federaalka soomalia oo ku saabsan arimaha xajka.

culimada waxa ay dowladda federaalka ka codsadeen in ay soo faragaliso arimaha xajkaoo waayadii ugu dambeyday cabasho xooggan ka imaaneysay dhaqaalaha laga qaado xujeyda soomaliyeed.

BAYAANKA CULIMADA PUNTLAND EE KU WAJAHAN DAWLADDA FEDERALKA

Halkaan Hoose ka Aqriso QODOBADA BAYAANKU TAABANAYO

Annagoo ah culimada Puntland ee ku kulantay Garowe waxaan taageersanahay hannaanka wanaagsan ee dawladda federalku wax ku wado kaasoo ku astaysanmaamul wanaagga iyo la dagaalanka musuqmaasuqa.Waxaan hadaba baaqaan u soo gudbinaynaa madaxda dawladda federalka,madaxda dawlad-goboleedyada, baarlamaanka federalka, golaha wasiirada,culinmada soomaaliyeed iyo cid kasta oo masuuliyad ku leh arimaha xajka iyocumarada.

Wuxuu baaqayagu ka kooban yahay arimahan hoos ku qoran:

1- Waxaan taageersanahay baaqii hore ee culimada puntland u gudbisay madaxweynaha dawlada federalka xilligii uu safarka ku yimid puntland.

2- Sidoo kale waxaan taageersanahay warsaxaafadeedkii wasiirka cadaalada,arimaha diinta iyo dhaqancelinta puntland uu jeediyey ee uu kaga hadlay arimaha xajka iyo cumrada soomaaliya.

3- Waxaan ku baaqaynaa in dawladda federalku si buuxda ula wareegtogacantana ku dhigto dhammaan arimaha xajka iyo cumrada dibad iyo daakhilba.

4- Waa inay Shacabka soomaaliyeed oo abaaro iyo colaado diloodeen helaan sinnaan iyo cadaalad kana baxaan dulmiga iyo musuqmaasuqa, si ay Rukniga islaamiga ah ee Xajka iyo cumrada u gutaan.

5- Waa in tartan furan oo xor ah ay helaan shirkadaha doonaya inay ka shaqeeyaan arimaha xajka iyo cumrada.

6- Shacabka soomaaliyeed waa inay la mid noqdaan shucuubka kale ee geeska afrika xagga kharashka iyo dhammaan adeegyada xajka iyo cumrada.

7- Waa in la suuragaliyaa sidii shacabku fiisaha uga heli lahaayeen gudaha dalka,lagana soo wareejiyaa safaaradaha sacuudigu ku leeyahay Jabuuti iyo Naitobi,si ay u fududaato arimaha xajka iyo cumrada.

Allah baa mahad leh

Facebook Comments